ლერი გოგოლაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის მექანიკა–ფიზიკის ფაკულტეტი 1961 წელს.

1985-1987წწ. იყო თბილისის სახელმწიფო უნივერსიტეტის პრორექტორი; 1987 წლიდან ამავე უნივერსიტეტის ზოგადი მათემატიკის კათედრის გამგე; კვლევის ძირითადი მიმართულებაა: ფუნქციათა თეორიისა და ფუნქციონალური ანალიზის საკითხები; მონაწილეობდა საქართველოს ნორჩ მათემატიკოსთა ნაკრების საერთაშორისო ოლიმპიადებისათვის მომზადებაში; ასევე ეწეოდა სპოტრულ მოღვაწეობას; 1957-1972წწ. თამაშობდა თბილისის წყალბურთელთა გუნდ "დინამოში"; 1959-1964წწ. იყო სსრკ ნაკრების მეკარე; მიღებული აქვს სახელმწიფო ჯილდოები; არის სსრკ ჩემპიონატის მრავალგზის პრიზიორი; ფიზიკა–მათემატიკის მეცნიერებათა დოქტორი(1985), პროფესორი(1988), სპორტსმენი(წყალბურთი).

წყარო: საქართველო: ენციკლოპედია: ტ.2. – თბ., 2012. – გვ.69; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.141

• 1998 - ღირსების ორდენი
  საქართველოში სპორტის განვითარების საქმეში შეტანილი განსაკუთრებული პირადი წვლილისათვის, ოლიმპიურ თამაშებზე, მსოფლიოს და ევროპის ჩემპიონატებში მიღწეული მაღალი სპორტული მაჩვენებლებისა და სპეციალისტთა აღზრდაში მნიშვნელოვანი დამსახურებისათვის
• 1963 - მსოფლიო უნივერსიადის ვერცხლის მედალი(პორტუ–ალეგრი)
• 1962 - ევროპის ჩემპიონატის ვერცხლის მედალი(ლაიფციგი)
• 1960 - საერთაშორისო კლასის სპორტის ოსტატი
• 1960 - XVII ოლიმპიური თამაშების ვერცხლის მედალი(რომი)

• უმაღლესი მათემატიკის ამოცანათა კრებული : თსუ არასპეც. ფაკ-ტების სტუდ.-თვის (რედაქტორი). - თბილისი, უნივერსალი, 2001. - 203გვ.. - ISBN: 99928-33-79-3
• უმაღლესი მათემატიკა : დამოუკ. სამუშაოები არასპეც. ფაკ. სტუდ. (რედაქტორი) // ნაწ. 1. - თბილისი, თბილ. უნ-ტის გამ-ბა, 1998. - 183გვ.
• ამოცანებისა და სავარჯიშოების კრებული უმაღლეს მათემატიკაში (რედაქტორი). - თბილისი, თბილ. უნ-ტის გამ-ბა, 1993. - 124გვ.