თამარ გოთუა

დაბადების ადგილი: ქ. თბილისი.

დაამთავრა თბილისის სტომატოლოგიური ინსტიტუტი 1940 წელს; თბილისის სამედიცინო ინსტიტუტი 1948 წელს.

1943-1945წწ. იყო მე–18 სადესანტო არმიისა და N712 ქირურგიული საველე ჰოსპიტლის ქირურგი; 1949-1965წწ. მუშაობდა ტუბერკულოზის სამეცნიერო–კვლევით ინსტიტუტის გულმკერდის ქირურგიულ განყოფილებაში; 1965-1978წწ. ექიმთა დახელოვნების თბილისის ინსტიტუტის გულმკერდის ქირურგიულ საპრობლემო ლაბორატორიაში; 1978-2000წწ. იყო ქალაქის I კლინიკური საავადმყოფოს ფილტვის ქირურგიული განყოფილების ხელმძღვანელი; 2000 წლიდან ამავე განყოფილების კონსულტანტი; ავტორია მრავალი სამეცნიერო ნაშრომის და ორი ლიტერატურული ნაწარმოების – "სიკვდილთან ჭიდილი", "თავგადასავალი ლევან გოთუასი"; არის II მსოფლიო ომის მონაწილე; მიღებული აქვს სახელმწიფო ჯილდოები; ფთიზიოქირურგი, მედიცინის მეცნიერებათა დოქტორი (1972), პროფესორი (1985).

წყარო: საქართველო: ენციკლოპედია: ტ.2. – თბ., 2012. – გვ.78; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.257

• ექიმთა დახელოვნების თბილისის ინსტიტუტის ომისა და შრომის ვეტერანთა საბჭო, თავმჯდომარე
• ვეტერან სპორტსმენ ქალთა საბჭო, თავმჯდომარე

• 1999 - ღირსების ორდენი
  ქართული სამედიცინო მეცნიერების განვითარებაში, ახალგაზრდა ექიმ -სპეციალისტთა აღზრდასა და დახელოვნებაში შეტანილი პირადი დიდი წვლილისათვის, ნაყოფიერი სამეცნიერო და პედაგოგიური მოღვაწეობისათვის
• 1975 - საქართველოს დამსახურებული ექიმი

• თავგადასავალი ლევან გოთუასი (ავტორი). - თბილისი, თარხანი, 1995. - 503გვ.
• სიკვდილთან ჭიდილში (ავტორი). - თბილისი, საბჭ. საქართველო, 1990. - 232გვ.