ნანა ჭურღულია

დაბადების ადგილი: ქ. გუდაუთა.

დაამთავრა თბილისის სახელმწიფო სამხატვრო აკადემია 1973 წელს.

1978-1981წწ. გაიარა ასპირანტურის კურსი თბილისის დაზგური გრაფიკის შემოქმედებით სახელოსნოში; 1974-1975წწ. იყო ესთეტიკის ინსტიტუტის მხატვარი; 1976-1978წწ. საბავშვო სამხატვრო სკოლისა და თბილისის სახელმწიფო სამხატვრო აკადემიის პედაგოგი; მონაწილეობდა რესპუბლიკურ და საერთაშორისო გამოფენებში, მათ შორის თბილისის და მოსკოვის სხვადასხვა გალერეებში, ზაარბრიუკენში (1983), ბერლინის კულტურულ ცენტრში (1988), ლენინგრადში (1989), ბუდაპეშტში (1990), ბარსელონაში (გალერეა "Brok", 1990), პროვანსში (საფრანგეთი, გალერეა "ჩერუსე", 1991), ბელგიაში (1993), კოპენჰაგენში (1994), ბაქოს ხელოვნების ცენტრში (1995). მისი ნამუშევრები დაცულია : დიმიტრი შევარდნაძის სახელობის ეროვნულ გალერეაში, პუშკინის სახელობის მუზეუმში ( მოსკოვი, რუსეთი), აღმოსავლეთის ხალხთა ხელოვნების მუზეუმში (მოსკოვი, რუსეთი), საქართველოს, ვენის, რომის, მიუნხენის, მოსკოვის, დუბროვსკისა და აშშ-ის კერძო კოლექციებში. არის 50-მდე წიგნის მხატვარი.

წყარო: ვინ ვინაა საქართველოში: ქართული ბიოგრაფიული ცნობარი. – 1998-1999. - გვ. 404;  ხელოვნების მუზეუმის ახალი კოლექცია, 2021-2022 = New collection of the Museum of Fine Arts / რედაქტორ-შემდგენელი ალექსანდრა გაბუნია. -თბ., 2022.- გვ. 226-227

• საქართველოს მხატვართა კავშირის წევრი (1981-)

• რესპუბლიკური პრემია , "წლის საუკეთესო წიგნი", მხატვრული გაფორმებისათვის