ფატი გოკიელი-ანთაძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის სიბრძნისმეტყველების ფაკულტეტი 1924 წელს.

1946-1949წწ. იყო ქუთაისის პედაგოგიური ინსტიტუტის უცხო ენების კათედრის გამგე და ფაკულტეტის დეკანი; კითხულობდა ლექციებს კ. მარჯანიშვილის სახელობის თეატრთან არსებულ დრამატულ სტუდიაში, ქუთაისის პედაგოგიურ ინსტიტუტში, ილია ჭავჭავაძის სახელობის უცხო ენათა ინსტიტუტში, თბილისის პედაგოგიურ ინსტიტუტში; 1928 წელს გამოაქვეყნა პირველი თარგმანი; თარგმნა ჰაინრიხ დენბურგის "პანდექსტების" ზოგადი ნაწილი (1928) და მოლიერის "ძალად ექიმი" (1936); მის ნაშრომთაგან აღსანიშნავია: "ბელინსკი და დასავლეთის რომანტიზმი" (1958), "XIX საუკუნის ქართული პრესა და საფრანგეთის პროგრესული პუბლიცისტიკა" (1961), "შუა საუკუნეების ფრანგული სოციალურ-პატრიოტული პოეზია" (1962); იკვლევდა ფრანგულ-ქართული  და რუსულ–ქართული კულტურულ-ლიტერატურული ურთიერთობების ისტორიას; ლიტერატურათმცოდნე, მთარგმნელი, ფილოლოგიის მეცნიერებათა კანდიდატი (1948).

წყარო: საქართველო: ენციკლოპედია: ტ.2. – თბ., 2012. – გვ.81; მამულიშვილთა სავანე / ბაბუნაშვილი ზ., ნოზაძე თ. - თბ., 1994. - გვ.108-109; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.110