ვახტანგ გომელაური

დაბადების ადგილი: ქ. თბილისი.

დაამთავრა საქართველოს ინდუსტრიული ინსტიტუტი ინჟინერ–თბოტექნიკოსის კვალიფიკაციით 1936 წელს.

1938-1945წწ. მუშაობდა თბილისის თბოელექტროცენტრალში სხვადასხვა თანამდებობაზე; 1947-1959წწ. იყო საქართველოს მეცნიერებათა აკადემიის ენერგეტიკის სამეცნიერო–კვლევით ინსტიტუტის თბოტექნიკური განყოფილების გამგე; 1959-1965წწ. ამავე ინსტიტუტის თბოგადაცემისა და წვის განყოფილების გამგე; 1965-1983წწ. საქართველოს პოლიტექნიკური ინსტიტუტის თეორიული და ზოგადი თბოტექნიკური კათედრის პროფესორი; პარალელურად იყო სოხუმის ფიზიკა–ტექნიკური ინსტიტუტის უფროსი მეცნიერ თანამშრომელი; 1987-1995წწ. საქართველოს მეცნიერებათა აკადემიის მართვის სისტემების ინსტიტუტის დირექციის მრჩეველი; მისი ძირითადი შრომები ეხება თბოგაცემის პროცესების ინტენსიფიკაციის ექსპერიმენტალურ შესწავლას, თბური ტუმბოს სისტემის გამოყენებას სამრეწველო და კომუნალურ ენერგეტიკაში, ატომური და ჰიდრავლიკური ელექტროსადგურების კომპლექსურ გამოყენებას ენერგოსისტემაში; მონაწილეობდა საქართველოს მეცნიერებათა აკადემიის ფიზიკის ინსტიტუტის ატომური ცენტრის შექმნაში, თბოელექტროცენტრალის აგებაში; მისი ხელმძღვანელობით ჩამოყალიბდა საქართველოში თბოლტექნიკური მიმართულების რამდენიმე კვლევითი ლაბორატორია; მეცნიერი ენერგეტიკისა და ტექნიკური თბური ფიზიკის დარგში; ტექნიკურ მეცნიერებათა დოქტორი (1964), პროფესორი (1965).

წყარო: საქართველო: ენციკლოპედია: ტ.2. – თბ., 2012. – გვ.90

• საქართველოს მეცნიერებათა აკადემია, აკადემიკოსი (1979-1995)
• საქართველოს მეცნიერებათა აკადემიის გამოყენებითი მექანიკური და მართვის პროცესების განყოფილება, აკადემიკოს–მდივანი (1983-1987)

• 1979 - საქართველოს მეცნიერებათა დამსახურებული მოღვაწე

• სითბო და მასის გადაცემის თეორიის საფუძვლები : სახელმძღვანელო (ავტორი). - თბილისი, 1974
• ატომური ენერგია როგორც ელექტროენერგიის წყარო : ატომური ელექტროსადგურები (ავტორი). - თბილისი, საქ. სსრ მეცნ. აკად. გამ-ბა და სტ., 1956. - 80გვ.