ვარლამ გაბიჩვაძე

დაბადების ადგილი: სოფელი ჩორჯო, ამბროლაურის რაიონი (ყოფილი რაჭის მაზრა).

1871–1873წწ. სწავლობდა თბილისის სასულიერო სემინარიაში; 1875 წელს იყო ქუთაისის სასულიერო სასწავლებლის პედაგოგი; 1876 წელს მის სახლში ორჯერ ჩატარდა დასავლეთ საქართველოს ხალხოსანთა კრება; 1876 წლის 6 ოქტომბერს დააპატიმრეს; 1888 წელს იმპერატორ ალექსანდრე III–ის ქუთაისში ჩასვლასთან დაკავშირებით გაასახლეს რაჭაში; მონაწილეობდა ქუთაისის ხალხოსანთა დრამატულ წრეში; შეადგინა "ქართული წერის დედანი"; 1885 წელს კოტე მესხმა მიიწვია  თეატრის დასში. მუშაობდა შავი ქვის მრეწველთა საბჭოში.  

 წყარო: საქართველო: ენციკლოპედია: ტ.I.–თბ., 1997.–გვ.520; ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.459

• ქართული წერის დედანი ვ. გაბიჩვაძისა (ავტორი). - ტფილისი, გამოც. ი. მ. მურადოვისაგან, 1886. - 24გვ.