ბელა გაბუნია

დაბადების ადგილი: ქ. ფოთი.

დაამთავრა საქართველოს პოლიტექნიკური ინსტიტუტი 1960 წელს.

1962 წლიდან მუშაობდა საპროექტო ინსტიტუტ "საქქალაქმშენსახპროექტში" ქალაქთგეგმარების სახელოსნოში; 1979 წლიდან იყო ტერიტორიული დაგეგმარების სახელოსნოს ხელმძღვანელი. მისი ავტორობით დამუშავებულია შემდეგი პროექტები: თელავის(1983), თბილისის(1985), რაიონული დაგეგმარების, შავი ზღვის სანაპიროს კურორტების გეგმარებითი რაიონების, თბილის–რუსთავის ზონის გეგმარებითი ორგანიზაციის, საქართველოს ბუნების დაცვის, ტურიზმისა და კურორტების განვითარების სქემები. ქალაქების– გურჯაანის, ფოთის და ბათუმის გენერალური გეგმები. მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.I.–თბ., 1997.–გვ.523

• 1978 - საქართველოს დამსახურებული არქიტექტორი
• ხალხთა მეგობრობის ორდენი