ნოდარ გაბუნია

დაბადების ადგილი: სოფელი ამაღლება, ვანის რაიონი.

დაამთავრა ქალაქ ქუთაისის სასოფლო–სამეურნეო ინსტიტუტის (საქართველოს სუბტროპიკული მეურნეობის) მექანიზაციის ფაკულტეტი 1958 წელს.

1962–1968წწ. იყო კ. ამირაჯიბის სახელობის მექანიზაციისა და ელექტროფიკაციის სამეცნიერო–კვლევითი ინსტიტუტის ჩაის მოვლა–მოყვანის კომპლექსური მექანიზაციის საპრობლემო ლაბორატორიაში მანქანათა თეორიული და ექსპერიმენტული კვლევის განყოფილების გამგის მოადგილე; 1968–1971წწ. იყო ჩაის კრეფის მექანიზაციის განყოფილების გამგე; 1971–1986წწ. მუშაობდა სამთო მიწათმოქმედებისა და საკონსტრუქტორო ტექნოლოგიის ინსტიტუტში. 1992 წლიდან იყო საქართველოს სასოფლი–სამეურნეო მანქანათმშენებლობის სამეცნიერო–კვლევითი და საკონსტრუქტორო–ტექნოლოგიური ინსტიტუტის გენერალური დირექტორის პირველი მოადგილე. ტექნიკურ მეცნიერებათა დოქტორი (1991). არის სასოფლო–სამეურნეო ტექნიკის საერთაშორისო გამოფენების მრავალგზის მონაწილე. დაჯილდოებულია რამდენიმე ოქროსა და ვერცხლის მედლით.

წყარო: საქართველო: ენციკლოპედია: ტ.I.–თბ., 1997.–გვ.525; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.246

• მანქანათმშენებლობის სამეცნიერო–საექსპერტო საბჭო, თავმჯდომარე (1993-)
• საქართველოს სოფლის მეურნეობის მეცნიერებათა აკადემია, წევრ–კორესპონდენტი (1994-)

• 1999 - ღირსების ორდენი
  სასოფლო - სამეურნეო მანქანათმშენებლობის დარგის განვითარებაში, საქართველოს აგროსამრეწველო კომპლექსის სპეციალიზებული სატრაქტორო და სასოფლო - სამეურნეო ტექნიკით უზრუნველყოფაში შეტანილი პირადი დიდი წვლილის, ნაყოფიერი სამეურნეო და საზოგადოებრივი საქმიანობისათვის