
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ვახტანგ გაგოიძე

Date of birth:	14 July, 1920
Date of death:	2003 (at 82 years)
Category:	Scientist, Philosopher

Biography

დაბადების ადგილი: სოფელი ქვემო ალვანი, ახმეტის რაიონი.

დაამთავრა ქ. ბაქოს საშუალო სკოლა 1938 წელს და იმავე წელს შევიდა თბილისის სახელმწიფო უნივერსიტეტის დასავლეთის ენათა და ლიტერატურის ფაკულტეტზე. პირველი სემესტრის დასრულებისთანავე გადავიდა მოსკოვის ნ. ჩერნიშევსკის სახელობის ისტორია-ფილოსოფიის სახელმწიფო ინსტიტუტში; მონაწილეობდა მეორე მსოფლიო ომში; ომის დამთავრების შემდეგ სწავლა გააგრძელა მოსკოვის მ. ლომონოსოვის სახელობის სახელმწიფო უნივერსიტეტში, მაგრამ მალე გადმოვიდა თბილისის სახელმწიფო უნივერსიტეტში და 1949 წელს დაამთავრა ამავე უნივერსიტეტის ფილოსოფიის ფაკულტეტი, შემდეგ - საქართველოს მეციერებათა აკადემიის ფილოსოფიის ინსტიტუტის ასპირანტურა.

1953 წელს დაიცვა საკანდიდატო დისერტაცია, 1964 წელს კი სადოქტორო დისერტაცია. 1952-1962 წლებში იყო საქართველოს მეცნიერებათა აკადემიის ფილოსოფიის ინსტიტუტის ჯერ უმცროსი, შემდეგ უფროსი მეცნიერ თანამშრომელი. 1962-1993წწ. საქართეელოს პოლიტექნიკური ინსტიტეტის ფილოსოფიის კათედრის გამგე და ჰუმანიტარულ მეცნიერებათა კათედრების საბჭოს თავმჯდომარე. ის 100-მდე მეცნიერული შრომის ავტორია, მათ შორის რამდენიმე მონოგრაფიისა, როგორიცაა: "ჰეგელის იდეალისტური დიალექტიკის კრიტიკა", "ილია ჭაეჭავაძის მსოფლმხედველობა", "ფილოსოფიური აზრის ძირითადი მიმართულებანი XIX საუკუნის საქართეელოში" და სახელმძღვანელოებისა დიალექტიკურ და ისტორიულ მატერიალიზმის უმნიშენელოვანეს პრობლემებზე, რომლებმაც დაიმსახურეს უმაღლესი განათლების სამინისტროს პრემიები. ომისა და შრომის ვეტერანი დაჯილდოებულია: "სამამულო ომის I და II ხარისხის, "წითელი ვარსკვლავის" ორდენებით და მრავალი მედლით, მათ შორის: "მამაცობისათვის", "საბრძოლიი დამსახურებისათვის", "შრომითი მამაცობისათვიეს", "შრომითი წარჩინებისათვის", აგრეთვე მედლით "შრომის ვეტერანი", საქართველოს უზენაესი საბჭოს პრეზიდიუმის საპატიო სიგელით და განათლებქს სამინისტროს საპატიო სიგელით. ფართო იყო მისი სამეცნიერო მოღვაწეობის სფერო: ქართული ფილოსოფიური აზრის ისტორია, მარქსისტული ფილოსოფიის ისტორია, სოციოლოგია, მედიცინის ფილოსოფია, მეცნიერების როლი საზოგადოებრივ ცხოვრებაში და სხვა. ფილოსოფიის მეცნიერებათა დოქტორი (1964), პროფესორი (1964).

წყარო: საქართველო: ენციკლოპედია: ტ.I.–თბ., 1997.–გვ.527; ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.45-46; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.232; ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 22-23

Member of Organizations

საქართველოს ფილოსოფიურ მეცნიერებათა აკადემია, აკადემიკოსი (1995-)

Awards and Honors

2000 - ღირსების ორდენი
1982 - საქართველოს მეცნიერებათა დამსახურებული მოღვაწე

Bibliography

ნარკვევები XIX საუკუნის ფილოსოფიური და სოციოლოგიური აზრის განვითარების ისტორიიდან საქართველოში : დამხმარე სახელმძღვ. უმაღლ. სასწავლებლების სტუდენტებისათვის (Author). - განათლება, 1971. - 404გვ.
კარლ მარქსი: ფილოსოფ. მსოფლმხედველობის ჩამოყალიბება და ცხოვრების მოკლე მიმოხილვა (Author). - თბილისი, მეცნიერება, 1968. - 130გვ.
ფილოსოფიური აზრის ძირითადი მიმდინარეობანი XIX საუკუნის საქართველოში (Author). - მეცნიერება, 1964. - 497გვ.
ჰეგელის იდეალისტური დიალექტიკის კრიტიკა და მარქსისტული დიალექტიკური მეთოდის პრინციპების ჩამოყალიბება (1837-1848 წწ.) (Author). - თბილისი, საქ. სსრ მეცნ. აკად. გამ-ბა და სტ., 1955. - 216გვ.