ალიკო გორგაძე

დაბადების ადგილი: ქ. ქუთაისი.

დაამთავრა თბილისის სამხატვრო აკადემიის ქანდაკების ფაკულტეტი, პროფესორ ი. ნიკოლაძის კლასი 1947 წელს; ასპირანტურა 1951 წელს.

1948 წლიდან მონაწილეობდა სამხატვრო გამოფენებში; ნამუშევრები: "რუსთავი" (1954, რუსთავის მხარეთმცოდნეობის მუზეუმი), "ჭაბუკის პორტრეტი" (1956, საქართველოს ეროვნული გალერეა), "მამაკაცის პორტრეტი" (1957, საქართველოს ეროვნული გალერეა); ავტორია სკულპტურული ფიგურებისა: "ჩამომსხმელი"(1950, შ. ამირანაშვილის სახელობის ხელოვნების მუზეუმი), "მეშახტე ბოტკოველი" (1951, ონის მხარეთმცოდნეობის მუზეუმი); შესრულებული აქვს გრაფიკული სერიები: "ჩეხოსლოვაკია" (მხატვრის კუთვნილება), "ეგვიპტე" (მხატვრის კუთვნილება), "თურქეთი" (მხატვრის კუთვნილება); მუშაობდა ასევე ჭედურ ხელოვნებაში; გრაფიკოსი, ოქრომჭედელი.

წყარო: საქართველო: ენციკლოპედია: ტ.2. – თბ., 2012. – გვ.101; მამულიშვილთა სავანე/ ზ. ბაბუნაშვილი, თ. ნოზაძე. - თბ., 1994. გვ.111; ალიკო გორგაძე: ალბომი  / ლანა გოცირიძე .-თბილისი, ხელოვნება.-1976.-გვ.12; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.114

• 1962 - საქართველოს დამსახურებული მხატვარი