ზინაიდა გაგლოითი

დაბადების ადგილი: სოფელი ვანელი, ჯავის რაიონი.

1933–1935წწ. სწავლობდა თბილისის შოთა რუსთაველის სახელობის თეატრთან არსებულ სტუდიაში. 1941 წელს დაამთავრა ლენინგრადის ა. ოსტროვსკის სახელობის თეატრალური ინსტიტუტის სამსახიობო ფაკულტეტი.

1941 წლიდან იყო ცხინვალის კოსტა ხეთაგუროვის სახელობის თეატრის ოსური დასის მსახიობი. შესრულებული აქვს შემდეგი როლები: დეზდემონა(უ. შექსპირის "ოტელო"), ბეატრიჩე, მირანდოლინა(კ.გოლდონის "ორი ბატონის მსახური", "სასტუმროს დიასახლისი"), კატერინა(ა.ოსტროვსკის "ჭექა–ქუხილი"), ასიათი(ე. ბრითაევის "ორი და"), მაია(ვ. კანდელაკის "მაია წყნეთლი"), ლუიზა(ფ. შილერის "ვერაგობა დასიყვარული"), ფატიმა(დ. თუაევის "ფატიმა"), დუნია(კ. ხეთაგუროვის "დუნია"), აზაუ(გ. ფლიევის "ჩერმენი") და სხვ.

წყარო: საქართველო: ენციკლოპედია: ტ.I.–თბ., 1997.–გვ.527; ossetians.com

• 1957 - საქართველოს სახალხო არტისტი