მადი ჩანტლაძე

დაბადების ადგილი: ქ. თბილისი.

დაამთავრა ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი 1989 წელს; 1999 წლის სექტემბრიდან-დეკემბრამდე სწავლობდა ადამიანის უფლებათა სამართალს ბირმინგემის უნივერსიტეტში.

1990-1991წწ. იყო საქართველოს სოცუზრუნველყოფის სამინისტროს იურისტი; 1991-1995წწ. მუშაობდა ადვოკატად ვაკის რაიონის ადვოკატურაში; 1995-1996წწ. კონსულტანტად სანოტარო ბიუროში; 1996-1998წწ. იყო საქართველოს პარლამენტის ადამიანის უფლებათა და ეროვნულ უმცირესობათა საკითხების კომიტეტში წამყვანი სპეციალისტი; 1998 წლის მარტიდან ოქტომბრამდე მუშაობდა არასამთავრობო ორგანიზაცია "კონსტიტუციურ უფლებათა დაცვის ცენტრში" იურისტად;1998 წლის მაისში ჩააბარა მოსამართლეთა საკვალიფიკაციო გამოცდა. 1998 წლის 6 ოქტომბერს დაინიშნა ქ. თბილისის სააპელაციო სასამართლოს მოსამართლის თანამდებობაზე. 1999 წლის მაისში დაინიშნა თბილისის საოლქო სასამართლოს სამოქალაქო და სამეწარმეო საქმეთა კოლეგიის თავმჯდომარის თანამდებობაზე. 2004-2005წწ. მუშაობდა თბილისის საოლქო სასამართლოს სამოქალაქო და სამეწარმეო საქმეთა კოლეგიის მოსამართლის თანამდებობაზე. 2005 წლის ივლისიდან ნოემბრამდე იყო თბილისის საოლქო სასამართლოს ადმინისტრაციულ და საგადასახადო საქმეთა სააპელაციო პალატის მოსამართლე; 2006 წელს მუშაობდა საქართველოს ტრანსპორტის მარეგულირებელ კომისიაში სახელმწიფო შესყიდვების სამსახურში იურისტად. 2007-2015წწ. მუშაობდა შპს "ომეგა მოტორსში" დირექტორის მოადგილედ სამართლებრივ საკითხებში. 2015-2022წწ. იყო თბილისის საქალაქო სასამართლოს სამოქალაქო საქმეთა კოლეგიის მოსამართლე. 2018 წლის თებერვლიდან თანამდებობაზე გამწესებულია უვადოდ, კანონით დადგენილი ასაკის მიღწევამდე. 2022 წლის ოქტომბრიდან არის თბილისის სააპელაციო სასამართლოს სამოქალაქო საქმეთა პალატის მოსამართლე.

წყარო: ვინ ვინაა საქართველოში: ქართული ბიოგრაფიული ცნობარი. – თბ., 1998-1999. - გვ. 358; საქართველოს იუსტიციის უმაღლესი საბჭო: hcoj.gov.ge

• კონსტიტუციურ უფლებათა დაცვის ცენტრი, დამფუძნებელი და გამგეობის წევრი