ზივი ბიბილეიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1958 წელს.

1958–1959წწ. იყო კაჭრეთის რაისაავადმყოფოს, 1959–1962წწ. თბილისის N6 ქალთა კონსულტაციის, 1962–1968წწ. II სამშობიარო სახლის მეან–გინეკოლოგი; 1970–1977წწ. თბილისის ექიმთა დახელოვნების ინსტიტუტის მეანობა–გინეკოლოგიის N2 კათედრის ასისტენტი, კ. ჩაჩავას სახელობის პერინატალური მედიცინისა და მეანობა–გინეკოლოგიის სამეცნიერო კვლევითი ინსტიტუტის განყოფილების ხელმძღვანელი; 1977 წლიდან ამავე ინსტიტუტის დირექტორის მოადგილე; 1958–1989წწ. იყო საქართველოს ჯანდაცვის სამინისტროს მთავარი სპეციალისტი, თბილისის სახელმწიფო სამედიცინო ინსტიტუტის მეანობა–გინეკოლოგიის კათედრის პროფესორი; 1989 წლიდან ხელმძღვანელობს გინეკოლოგიის კურსს. ავტორია 100 სამეცნიერო ნაშრომის, გამოქვეყნებული აქვს 4 მონოგრაფია, არის 38 კლინიკური ორდინატორის, მედიცინის მეცნიერებათა კანდიდატისა და დოქტორის ხელმძღვანელ–კონსულტანტი, პროფილაქტიკური მედიცინისა და ადამიანის ეკოლოგიის მეცნიერებათა აკადემიის აკადემიკოსი, სამედიცინო–სოციალურ მეცნიერებათა აკადემიის აკადემიკოსი, ექიმი მეან–გინეკოლოგი.

საკანდიდატო დისერტაციის თემა - "დედისა და ნაყოფის სისხლში ფერმენტების და მიკროელემენტების ცვლა ფიზიოლოგიური ორსულობის და მშობიარობის დროს", დაიცვა 1966 წელს.

სადოქტორო დისერტაციის თემა - "სამშობიარო მოქმედების სისუსტის მკურნალობა და ნაყოფის პერინატალური დაცვა", დაიცვა 1976 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.40

• დედათა და ბავშვთა ჯანმრთელობაზე ზრუნვის ფონდი, პრეზიდენტი (1991-)
• საქართველოს მედიცინის მუშაკთა დაცვის ასოციაცია, ვიცე–პრეზიდენტი