ოთარ გორდელი

დაბადების ადგილი: ქ. თბილისი.

დაამთავრა თბილისის ვანო სარაჯიშვილის სახელობის სახელმწიფო კონსერვატორია კომპოზიციისა და ფორტეპიანოს სპეციალობით 1951 წელს; 1955 წელს - მოსკოვის კონსერვატორიის ასპირანტურა გომპოზიციის განხრით.

1959 წლიდან იყო თბილისის კონსერვატორიის პედაგოგი; 1982 წლიდან პროფესორი. იყო ზაქარია ფალიაშვილის სახელობის სახელმწიფო მუზეუმის დირექტორი. მის მიერ შექმნილი ნაწარმოებებია: კანტატა "წელიწადის დრონი" (1954), ვოკალურ–სიმფონიური პოემა "რაზედ ბუტბუტებს მტკვარი" (1961) , "ახალგაზრდული უვერტიურა" (1956), ცეკვა "ქართული" სიმფონიური ორკესტრისათვის (1958), კონცერტი ფლეიტისა და სიმფონიური ორკესტრისათვის (1958), კამერულ–ვოკალური და საგუნდო ნაწარმოებები; ოპერეტები: "ნატვრის თვალი" (1980), "ჩემი საყვარელი ბიძა" (1983); საესტრადო მუსიკა; მუსიკა სპექტაკლებისა და კინოფილმებისათვის.

წყარო: საქართველო: ენციკლოპედია: ტ.2. – თბ., 2012. – გვ.109; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.116

• საქართველოს კომპოზიტორთა კავშირი, წევრი
• საქართველოს კომპოზიტორთა კავშირის გამგეობა, გამგეობის მდივანი (1968-1973)
• საქართველოს მუსიკალურ–ქორეოგრაფიული საზოგადოება, თავმჯდომარე (1967-1987)

• 1966 - საქართველოს ხელოვნების დამსახურებული მოღვაწე