თამარ ბურჯანაძე

დაბადების ადგილი: ქ. თბილისი.  

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1942 წელს.

1943 წელს მუშაობა დაიწყო თბილისის ქალთა მე–7 სკოლაში დაწყებითი კლასების მასწავლებლად; 1945 წლიდან იყო ქართული ენისა და ლიტერატურის მასწავლებელი თბილისის ვაჟთა მე–7 სკოლაში; 1954 წლიდან მუშაობდა თბილისის ივანე ჯავახიშვილის სახელობის 53–ე  საშუალო სკოლაში ქართული ენისა და ლიტერატურის მასწავლებელად; უფროსი მასწავლებელი (1986), მასწავლებელ-მეთოდისტი (1991). მისი პედაგოგიური წერილები ქვეყნდებოდა ქართულ ჟურნალ–გაზეთებში. იყო ქართული ენისა და ლიტერატურის მეთოდგაერთიანებების ხელმძღვანელი.

წყარო: საქართველო: ენციკლოპედია: ტ.I.–თბ., 1997.–გვ.509; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.215

• 1998 - ღირსების ორდენი
  მოსწავლე ახალგაზრდობის აღზრდა-განათლებაში შეტანილი პირადი წვლილისა, ნაყოფიერი პედაგოგიური და აქტიური საზოგადოებრივი მოღვაწეობისათვის
• 1990 - საქართველოს სახალხო მასწავლებელი
• 1974 - საქართველოს დამსახურებული მასწავლებელი

• ქართული ენა : მე-3 კლასის ძირითადი სახელმძღვანელო (თანაავტორი). - თბილისი, შპს "ფორმა", 2004. - 136გვ.