მერაბ კაკულია

დაბადების ადგილი: ქ. ოზურგეთი

დაამთავრა თბილისის სახელმწიფო უნივერსიტეტის ეკონომიკის ფაკულტეტი ფინანსებისა და კრედიტის სპეციალობით 1988 წელს.

დაბადების ადგილი: ქ. ოზურგეთი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი ფინანსებისა და კრედიტის სპეციალობით 1988 წელს.

1987-1991წწ. იყო თბილისის სახელმწიფო უნივერსიტეტის ასისტენტი, მასწავლებელი, დოცენტი; 1988-1989წწ. სამეცნიერო-ტექნიკური ინფორმაციისა და ტექნიკურ-ეკონომიკურ გამოკვლევათა სამეცნიერო კვლევით ინსტიტუტში ეკონომიკის მართვის ინფორმაციული უზრუნველყოფის განყოფილების გამგე; 1989-1990წწ. ავსტრიულ ბანკში "ცენტრალურ შპარკასსე უნდ" (ვენა) სტაჟიორი; 1992-1993წწ. საქართველოს ეროვნული ბანკის სავალუტო-ეკონომიკური სამმართველოს უფროსი; 2000-2005წწ. შავი ზღვის ვაჭრობისა და განვითარების ბანკის მმართველი საქართველოდან და საერთაშორისო საანგარიშსწორებო სისტემა  SWIFT-ის ეროვნული კოორდინატორი (1997-2005); 2002-2004წწ. ივანე ჯავახიშვილის სახელობის თბილისის სახელმსიფო უნივერსიტეტის დოცენტი და პროფესორი; 2005- 2010წწ. იგი მუშაობდა ეკონომიკური პოლიტიკისა და სამართლებრივი საკითხების ქართულ-ევროპული საკონსულტაციო ცენტრის  (GEPLAC) მთავარ ეკონომიკურ ექსპერტად და ჟურნალ "საქართველოს ეკონომიკური ტენდენციების" მთავარ რედაქტორად; 2005 წლიდან  არის საქართველოს სტრატეგიისა და საერთაშორისო ურთიერთობების კვლევის ფონდის  (GFSIS) უფროსი მეცნიერ-თანამშრომელი; 2013 წლიდან  ფინანსური სტაბილურობისა და კონკურენტუნარიანობის კვლევის ცენტრის დირექტორი; საქართველოს საზოგადოებრივ საქმეთა ინსტიტუტის (GIPA) სამართლისა და პოლიტიკის სკოლის პროფესორი. მისი მეცნიერული პუბლიკაციები ეხება მაკროეკონომიკის, მონეტარული პოლიტიკის, საბანკო სექტორის განვითარების, სავაჭრო პოლიტიკის, საერთაშორისო ეკონომიკისა და  სხვა საკითხებს.

საკანდიდატო დისერტაციის თემა - "კაპიტალის საერთაშორისო ცენტრალიზაციის ფორმები და წინააღმდეგობანი", დაიცვა 1986 წელს; სადოქტორო დისერტაცია დაიცვა 2002 წელს.

წყარო: ვინ ვინაა საქართველოში: ქართული ბიოგრაფიული ცნობარი. -თბ., 1996-97. -გვ.102; საქართველოს საზოგადოებრივ საქმეთა ინსტიტუტის: gipa.ge

• სააქციო-უნივერსალური ბანკის "იბერიაბანკი" დირექტორთა საბჭო, თავმჯდომარე (1991-1992)
• საქართველოს ეკონომიკურ მეცნიერებათა აკადემია , წევრი
• საქართველოს ეროვნული ბანკი, ვიცე-პრეზიდენტი (1992-)
• საქართველოს მეცნიერებათა ეროვნული აკადემიის ეკონომიკურ მეცნიერებათა კომისია, პასუხისმგებელი მდივანი

• დოლარიზაცია საქართველოში: მასშტაბები, ფაქტორები, დაძლევის გზები (თანაავტორი). - თბილისი, 2000. - 117გვ.
• სავალუტო სისტემის განვითარების პრობლემები საქართველოში (ავტორი). - თბილისი, სტ. შ.პ.ს. "ფინანსები". - 282გვ.. - ISBN: 99928-0-278-2