სოსო ბუაჩიძე

დაბადების ადგილი: დაბა ხარაგაული.

სწავლობდა ქუთაისში, შემდეგ ხონის საოსტატო სემინარიაში; 1918-1920წწ. მუშაობდა პარტიულ ორგანიზატორად  შორაპნისა და გორის მაზრებში, მონაწილეობდა სამხრეთ ოსეთში 1919 წლის ოქტომბრის  შეიარაღებული აჯანყების მომზადებაში, რისთვისაც დააპატიმრეს და 1920 წელს ბაქოში გაასახლეს. საქართველოში საბჭოთა ხელისუფლების დამყარების შემდეგ, 1921 წლის აპრილიდან მუშაობდა პარტიის თელავის სამაზრო კომიტეტის პასუხისმგებელ მდივნად და საორგანიზაციო განყოფილების გამგედ. 1922 წლიდან სამხედრო სამსახურში იყო(ბათუმში, ქუთაისში, თბილისში, ბაქოსა და სხვა ქალაქებში). 1924-1928წწ. სწავლობდა მოსკოვის ფრუნზეს სახელობის სამხედრო აკადემიაში, შემდეგ იყო ქართველ მსროლელთა დივიზიის სამხედრო კომისარი და პოლიტიკური განყოფილების უფროსი, ხოლო 1931 წლიდან ფრუნზეს სახელობის მეორე ქართველ მსროლელთა დივიზიის მეთაური და სამხედრო კომისარი. რეპრერისებული. სიკვდილის შემდეგ რეაბილიტირებულია.

წყარო: საქართველო: ენციკლოპედია: ტ.I.–თბ., 1997.–გვ.487

• საკავშირო კომუნისტური პარტიის XVI და XVII ყრილობები, დელეგატი
• საქართველოს კომუნისტური პარტიის თბილისის საქალაქო კომიტეტი, წევრი
• საქართველოს კომუნისტური პარტიის ცენტრალური კომიტეტი
• სსრკ ცაკი, წევრი

• შრომის წითელი დროშის ორდენი