ნაპოლეონ ქარქაშაძე

დაბადების ადგილი: სოფელი სასირეთი, კასპის რაიონი.

დაამთავრა საქართველოს სახელმწიფო სასოფლო-სამეურნეო ინსტიტუტის აგრო-ეკონომიკური ფაკულტეტი 1959 წელს.

1961-1967წწ. კვლევითი ინსტიტუტი - უფროსი მეცნიერ თანამშრომელი; 1964-1967წწ. უფროსი მეცნიერ-თანამშრომელი; 1967-1975წწ. სასოფლო-სამეურნეო ინსტიტუტის უფროსი მასწავლებელი, დოცენტი, კათედრის გამგე; 1983 წელს დაიცვა სადოქტორო დისერტაცია, თემა - "სსრ კავშირის ჩაის მეურნეობის ეკონომიკა და მისი განვითარების პერსპექტივები"; 1975-1990წწ. სოხუმის სუბტროპიკული მეურნეობის ინსტიტუტის რექტორი; 1990-2004წწ. წლიდან აგრარული უნივერსიტეტის რექტორი; 2004-2005წწ. სოფლის მეურნეობის მეცნიერებათა აკადემიის პრეზიდენტი, 2005-2012წწ. - ამავე აკადემიის პრეზიდიუმის მრჩეველი, 2003 წლიდან - აკადემიის სამეცნიერო საბჭოს თავმჯდომარე. მონაწილეობა აქვს მიღებული მრავალ სამეცნიერო კონფერენციებსა და სიმპოზიუმებში (დაახლოებით 30 ქვეყანაში); სხვადასხვა დროს იყო "იკარდას" თანათავმჯდომარე, უმაღლესი სასოფლო-სამეურნეო განათლების საერთაშორისო ასოციაციის პრეზიდიუმის წევრი; მიღებული აქვს "პატენტი" - ლიმონის ახალი ჯიშის
დიოსკურიას"-ს გამოყვანაზე; არის მრავალი სამეცნიერო გამოცემების რედკოლეგიის წევრი (მ.შ "საქართველოს ენციკლოპედიის, რამდენიმე მონოგრაფიის, სახელმძღვანელოს და სამეცნიერო პროექტის მეცნიერ-დოქტორი და რეცენზენტი). აქვს 300- ზე მეტი სამეცნიერო ნაშრომი, მათ შორის 9 მონოგრაფია და 5 სახელმძღვანელო, ბროშურები და სამეცნიერო ხასიათის თეზისები. მონაწილეობა აქვს მიღებული საერთაშორისო ფორუმებში. 2015 წელს (აკად. ჯ. კაციტაძესთან ერთად) მოიპოვა 3 წლიანი გრანტი. სომხეთისა და აზერბაიჯანის აკადემიების საპატიო პროფესორი, აიოვას უნივესიტეტის საპატიო დოქტორი ქ. აიოვა (აშშ).

წყარო: ვინ ვინაა საქართველოში: ქართული ბიოგრაფიული ცნობარი. –  თბ. - 1998-1999. - გვ. 324; საქართველოს სოფლის მეურნეობის მეცნიერებათა აკადემია: gaas.dsl.ge; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.260

• აზერბაიჯანის (ქ. განჯა) აკადემია, საპატიო პროფესორი (2002-)
• აიოვას (აშშ) უნივერსიტეტი, საპატიო დოქტორი (2000-)
• იუნესკოს მეცნიერების, მრეწველობის, განათლების და ხელოვნების საერთაშორისო აკადემია (აშშ, კალიფორნია), ნამდვილი წევრი (1996-)
• რუსეთის სოფლის მეურნეობის მეცნიერებათა აკადემია, წევრი (1997-)
• სან-ფრანცისკოს საერთაშორისო აკადემია, წევრი (1995-)
• საქართველოს სოფლის მეურნეობის მეცნიერებათა აკადემია, წევრი (1995-)
• სომხეთის აკადემია, საპატიო პროფესორი (2000-)
• უმაღლესი სკოლის მეცნიერებათა საერთაშორისო აკადემია, წევრი (1994-)

• 2017 - საქართველოს სოფლის მეურნეობის მეცნიერებათა აკადემიის საპატიო სიგელი
• 2016 - აგრარული ეკონომიკის ექსპერტის წოდება
• 1995 - ღირსების ორდენი
• 1985 - საპატიო ნიშნის ორდენი
• 1984 - საქართველოს სახელმწიფო პრემია
• 1980 - საპატიო ნიშნის ორდენი

• დამოუკიდებელ სახელმწიფოთა თანამეგობრობისა და ბალტიისპირეთის ქვეყნების სოფლის მეურნეობა : ციკლიდან "მსოფლიო სოფლის მეურნეობა" (ავტორი) // ნაწ. 2. - თბილისი, განათლება, 1998. - 177გვ.. - ISBN: 5-8120-0078-6
• მსოფლიოს სოფლის მეურნეობა : სახელმძღვ. უმაღლ. სას.-სამ. სასწ. სტუდ. (ავტორი) // ნაწ. 1. - თბილისი, განათლება, 1993. - 600გვ.
• სასოფლო-სამეურნეო წარმოების მექანიზაცია და სუბტროპიკული კულტურების ტექნოლოგია (ავტორი). - თბილისი, საქართველოს სას.-სამ. ინ-ტი, 1989. - 82გვ.
• სსრ კავშირის ჩაის მეურნეობის ეკონომიკა და მისი განვითარების პერსპექტივები (ავტორი). - თბილისი, თბილ. უნ-ტის გამ-ბა, 1982. - 265გვ.