ნიკოლოზ ქარსანოვი

დაბადების ადგილი: ქ. ცხინვალი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1946 წელს.

1946-1949წწ. იყო თბილისის სახელმწიფო სამედიცინო ინსტიტუტის ჰოსპიტალური თერაპიის კათედრის ორდინატორი; 1949-1954წწ. კარდიოლოგიის ინსტიტუტის კლინიკური განყოფილების კლინიკური ორდინატორი; 1954-1956წწ. უმცროსი, 1956-1965წწ. უფროსი მეცნიერ-თანამშრომელი; 1965-1967წწ. კლინიკური და ექსპერიმენტული კარდიოლოგიის ინსტიტუტის ლაბორატორიის გამგის მოვალეობის შემსრულებელი; 1967-1972წწ. ლაბორატორიის გამგე; 1972 წლიდან სამედიცინო ბიოფიზიკის სამეცნიერო კვლევითი რესპუბლიკური ცენტრის ხელმძღვანელი. არის 250-ზე მეტი სამეცნიერო ნაშრომის ავტორი, სამედიცინო ბიოფიზიკის სამეცნიერო კვლევითი რესპუბლიკური ცენტრის დამაარსებელი, სამედიცინო ბიოფიზიკოსთა სკოლის შემქმნელი.

სადოქტორო დისერტაციის თემა - "მიოკარდიუმის შეკუმშვადი და სარკორლაზმური ცილები გულის ნაკლოვანების დროს და პრაქტიკულად ჯანმრთელ ადამიანებში",  დაიცვა 1964 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 322

• რუსეთის ფედერაციის სამედიცინო აკადემია, აკადემიკოსი
• საქართველოს მეცნიერებათა აკადემია, წევრ-კორესპონდენტი (1996-)
• საქართველოს სამედიცინო აკადემია, აკადემიკოსი
• საქართველოს სამედიცინო ბიოფიზიკოსთა სამეცნიერო საზოგადოება, თავმჯდომარე (1972-)

• 1984 - საქართველოს მეცნიერებათა დამსახურებული მოღვაწე
• 1981 - შრომის წითელი დროშის ორდენი