მიხეილ ბოჭორიძე

დაბადების ადგილი: ქ. თელავი.

1890–1900წწ. მუშაობდა ამიერკავკასიის რკინიგზის მთავარ სახელოსნოში მჭედლად; 1893 წელს შევიდა სოციალ–დემოკრატიულ პარტიაში; 1897–1903წწ. იყო რსდმპ თბილისის, 1903 წლის მარტიდან რსდმპ კავკასიის კავშირის კომიტეტის წევრი, 1898–1904წწ. თბილისის მუშათა გაფიცვების მოწყობისა და ჩატარების ერთ–ერთი ორგანიზატორი; ავლაბრის არალეგალურ სტამბის ხელმძღვანელი. 1905 წლის დეკემბრის შეიარაღებული აჯანყების დროს თბილისში ხელმძღვანელობდა მუშათა შეიარაღებული რაზმების აჯანყებას. არალეგალურ პარტიულ მუშაობას ეწეოდა თბილისში, ბაქოში, პეტერბურგსა და სტავროპოლში. რევოლუციური მოძრაობის მონაწილე ამიერკავკასიაში.

წყარო: საქართველო: ენციკლოპედია: ტ.I.–თბ., 1997.–გვ.476