ვახტანგ ბოჭორიშვილი

დაბადების ადგილი: სოფელი გიორგეთი, ლაგოდეხის რაიონი. 

დაამთავრა ხარკოვის სამედიცინო ინსტიტუტი 1951 წელს. 1940–1942წწ. სწავლობდა თბილისის თეატრალური ინსტიტუტის სარეჟისორო ფაკულტეტზე.

1938-1939წწ. თელავის დრამატული თეატრის მსახიობი; 1939-1940წწ. თელავის დრამატული თეატრის ტექნიკური რეჟისორი; 1943-1944წწ. თელავის დრამატული თეატრის მსახიობი, ტექნიკური რეჟისორი; 1944-1945წწ. რუსთაველის თეატრის დასის გამგე, რეჟისორის ასისტენტი; სოხუმის დრამატული თეატრის რეჟისორი (1945); 1951-1952წწ. მესამე მედგაერთიანების ინფექციური განყოფილების გამგე; 1952-1956წწ. N85-ე ინფექციური ჰოსპიტალის ორგანიზატორი; 1956-1961წწ. სამხედრო სამედიცინო აკადემიის ინფექციურ დაავადებათა კათედრის უფროსი ორდინატორი; 1961-1969წწ. სამხედრო სამედიცინო აკადემიის მასწავლებელი (დოცენტი); 1969 წლიდან თბილისის ექიმთა დახელოვნების ინსტიტუტის ინფექციურ სნეულებათა კათედრის ხელმძღვანელი; 1970–1973წწ. საქართველოს ჯანმრთელობის დაცვის მინისტრი; 1982-1990წწ. მე-4 მთავარი სამმართველოს უფროსის მოადგილე სამკურნალო დარგში; 1970 წელს ქოლერის ეპიდემიის დროს, ინფექციის საწინააღმდეგოდ პირველმა გამოიყენა ფილიპსის ხსნარი; შექმნა სეფსისის რესპუბლიკური ცენტრი; შეიმუშავა და დანერგა ადრეული ასაკის ბავშვთა სალმონელოზის კლინიკური დიაგნოსტიკის კრიტერიუმები. საქართველოს პარლამენტში ეროვნული თანხმობის დროებითი საპარლამენტო კომისიის წევრი (2000-2002); მრავალი სამეცნიერო ნაშრომისა და მონოგრაფიის ავტორი; საქართველოს მე-5 მოწვევის პარლამენტის წევრი პარტიული სიით: ბლოკი "საქართველოს აღორძინება", ფრაქცია "XXI საუკუნე"-ს თავმჯდომარე, ეროვნული თანხმობის დროებითი კომისიის წევრი. ინფექციონისტი, მედიცინის მეცნიერებათა დოქტორი (1968), პროფესორი (1970).

წყარო: საქართველო: ენციკლოპედია: ტ.I.–თბ., 1997.–გვ.475; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015.- თბ.-2015.-გვ. 99

• ნიუ–იორკის მეცნიერებათა აკადემია, წევრი (1989-)
• რუსეთის მედიცინის მეცნიერებათა აკადემია, წევრ–კორესპონდენტი (1988-)
• საქართველოს ინფექციონისტთა რესპუბლიკური სამეცნიერო საზოგადოება, თავმჯდომარე (1972-)
• საქართველოს მე-5 მოწვევის პარლამენტი, წევრი (1999-2002)
• საქართველოს მედიცინის მეცნიერებათა აკადემია, წევრი (1994-)

• 1997 - ილარიონ ქართველის ორდენი
• 1988 - შრომის წითელი დროშის ორდენი
• 1985 - საქართველოს მეცნიერებათა დამსახურებული მოღვაწე
• 1985 - საქართველოს სახელმწიფო პრემია, სეფსისის რესპუბლიკური ცენტრის შექმნისათვის
  
• მედალი "შრომითი მამაცობისთვის"

• ჩვენ გვაქვს საერთო სამშობლო : პოლიტ. და პუბლ. სტატიები, საპარლამენტო გამოსვლები (ავტორი). - თბილისი, დიდოსტატი, 2003. - 291გვ.
• ქოლერა (ავტორი). - თბილისი, საბჭ. საქართველო, 1973. - 160გვ.