ზაურ ბოლქვაძე

დაბადების ადგილი: სოფელი გუთური, ჩოხატაურის რაიონი. 

დაამთავრა თბილისის სახელმწიფო უნივერსიტეტის ფილოლოგიის ფაკულტეტის ჟურნალისტიკის განყოფილება 1956 წელს.

სხვადასხვა დროს მუშაობდა თბილისის სახელმწიფო უნივერსიტეტში, ჟურნალ "ცისკარსა" და "ნიანგში"; იყო ჟურნალ "პირველი სხივის" პასუხისმგებელი მდივანი, ჟურნალ "ნიანგის" მთავარი რედაქტორი, "ნიანგის ბიბლიოთეკის" სერიის სატირულ-იუმორისტული ნაწარმოებების კრებულების და ბუკლეტის "ნიანგი გზაჯვარედინზე" რედაქტორი; მას ეკუთვნის ლექსთა კრებულები: "ღელვის დასაწყისი" (1961), "ლექსები"(1964), "საქართველოს სასიცოცხლოდ" (1975) და სხვ. ავტორია სატირულ-იუმორისტული მოთხრობებისა. თარგმნა ტარას შევჩენკოს, ნიკოლოზ ტიხონოვის, ბელა ახმადულინას, იანკა კუპალას ლექსები. მისი ნაწარმოებები თარგმნილია უცხოურ ენებზე. თბილისის ერთ-ერთი ქუჩა მის სახელს ატარებს.

წყარო: საქართველო: ენციკლოპედია: ტ.I.–თბ., 1997.–გვ.461; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.79; თბილისის სახელმწიფო უნივერსიტეტი: encyclopedia.tsu.ge

• 1983 - საქართველოს დამსახურებული ჟურნალისტი

• მე სიყვარული ვიყავ უთქმელი : ლექსები (ავტორი). - თბილისი, ზეკარი, 2003. - 496გვ
• ხმალს დავემსგავსოთ ალესილს (ავტორი). - თბილისი, ხელოვნება, 1977. - 119გვ.
• საქართველოს სასიცოცხლოდ : ლექსები (ავტორი). - თბილისი, მერანი, 1975. - 143გვ.