გურამ გრიგოლია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკური მშენებლობის სპეციალობით 1961 წელს.

მუშაობდა "თბილჰიდროპროექტში"; 1965-1972წწ. ენერგეტიკის სამეცნიერო კვლევით ინსტიტუტში; 1972-1993წწ. თბილისის სახელმწიფო უნივერსიტეტის გეოგრაფია–გეოლოგიის ფაკულტეტის ჰიდროლოგიისა და ნიადაგმცოდნეობის კათედრაზე; 1997-2006წწ. იყო ამავე კათედრის გამგე; შეთავსებით მუშაობდა ჰიდრომეტეოროლოგიის ინსტიტუტში კატასტროფულ მოვლენათა სექტორის გამგედ; 2009 წლიდან არის ჰიდრომეტეოროლოგიის ინსტიტუტის წამყვანი მეცნიერ თანამშრომელი; მისი სამეცნიერო კვლევების სფეროა მდინარის ჩამონადენის პროცესის აღწერა და მოდელირება. ავტორია 60-ზე მეტი სამეცნიერო ნაშრომისა. მიღებული აქვს სახელმწიფო ჯილდოები; ჰიდროენერგეტიკოსი, ტექნიკურ მეცნიერებათა დოქტორი (1993), პროფესორი (1996).

საკანდიდატო დისერტაციის თემა - "მონტე-კარლოს მეთოდით ჰიდროლოგიური რიგების სტატისტიკური მოდელირების საკითხები წყალსამეურნეო ანგარიშებისათვის", დაიცვა 1972 წელს; სადოქტორო დისერტაციის თემა - "მდინარის ჩამონადენის პროცესის აღწერის და მოდელირების სტატისტიკური მეთოდების ანალიზი და სრულყოფა", დაიცვა 1993 წელს.

წყარო: საქართველო: ენციკლოპედია: ტ.2. – თბ., 2012. – გვ.155; ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.90-91; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.116

• 2001 - ღირსების ორდენი