ლეონიდე ბოკერია

დაბადების ადგილი: ქ. ოჩამჩირე.

დაამთავრა ი. სეჩენოვის სახელობის მოსკოვის I სამედიცინო ინსტიტუტი 1965 წელს.

1968 წლიდან იყო სსრკ მედიცინის მეცნიერებათა აკადემიის ა. ბაკულევის სახელობის გულ-სისხლძარღვთა ქირურგიის ინსტიტუტის უფროსი მეცნიერი - თანამშრომელი, 1974 წლიდან ამავე ინსტიტუტის ჰიპერბარული ოქსიგენაციის ლაბორატორიის ხელმძღვანელი; მიღებული აქვს რუსეთის მეცნიერებათა დამსახურებული მოღვაწის წოდება (1994), რსფსრ სახელმწიფო პრემია (2002) - მოსახლეობის ჯანმრთელობის დაცვის საქმეში შეტანილი განსაკუთრებული წვლილისთვის, მაღალი პროფესიონალიზმის, ნაყოფიერი პედაგოგიური და აქტიური საზოგადოებრივი მოღვაწეობისთვის, რუსეთის მთავრობის პრემია (2003); 1994 წლიდან არის მოსკოვის ა. ბაკულევის სახელობის გულ-სისხლძარღვთა ქირურგიის ინსტიტუტის დირექტორი. ქირურგი, მედიცინის მეცნიერებათა დოქტორი (1973), პროფესორი (1975).

წყარო: საქართველო: ენციკლოპედია: ტ.I.–თბ., 1997.–გვ.455; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.375

• რუსეთის მედიცინის მეცნიერებათა აკადემია, აკადემიკოსი (1994-)
• რუსეთის მეცნიერებათა აკადემია, აკადემიკოსი (2011-)

• 1999 - ღირსების ორდენი
• 1999 - თბილისის საპატიო მოქალაქე
• 1986 - სსრკ სახელმწიფო პრემია
• 1976 - ლენინური პრემია
  ჰიპერბარული ოქსიგენაციის შესწავლისა და ამ მეთოდის ქირურგიაში დანერგვისათვის ვ. ბურაკოვსკისთან და ვ. ბუხარინთან ერთად