The National Library of Georgia Home - About Library - E-Resources 
  Login
Biographical Dictionary  
English   Georgian
HomeCategories  
Search
Person Name:

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography
Correction

გივი სვანიძე

გივი სვანიძე
Date of birth:20 September, 1921
Date of death:10 August, 1999  (at 77 years)
Category:Geographer, Scientist, Educator

Biography

დაბადების ადგილი: სოფელი ცხუკუშერი, ცაგერის რაიონი.

დაამთავრა საქართველოს ინდუსტრიული ინსტიტუტი (ტექნიკური უნივერსიტეტი) ინჟინერ-ჰიდროლოგის სპეციალობით 1944 წელს.

1944-1947წწ. მუშაობდა საკავშირო ტრესტ "ჰიდროენერგოპროექტის" თბილისის განყოფილებაში; 1946-1949წწ. გაიარა საქართველოს მეცნიერებათა აკადემიის ენერგეტიკის ინტიტუტის ასპირანტურა; 1950 წელს მუშაობა დაიწყო საქართველოს მეცნიერებათა აკადემიის ენერგეტიკის ინსტიტუტში; აქვე, 1958-1971წწ. იყო წყლის რესურსების კომპლექსური გამოყენების განყოფილების გამგე; 1952-1960წწ. შეთავსებით მუშაობდა საქართველოს მეცნიერებათა აკადემის პრეზიდიუმში მათემატიკურ და საბუნებისმეტყველო მეცნიერებათა განყოფილების სწავლულ მდივნად; 1967-1970წწ. შეთავსებით მუშაობდა პოლიტექნიკურ ინსტიტუტში პროფესორის თანამდებობაზე; 1971 წელს აირჩიეს თბილისის სახელმწიფო უნივერსიტეტის ხმელეთის ჰიდროლოგიისა და ნიადაგთმცოდნეობის კათედრის გამგედ; 1976 წელს დაინიშნა ამიერკავკასიის ჰიდრომეტეოროლოგიის სამეცნიერო-კვლევითი ინსტიტუტის დირექტორად. ამ თანამდებობაზე მუშაობდა გარდაცვალებამდე. ავტორია 270 დაბეჭდილი სამეცნიერო შრომისა, მათ შორის 15 მონოგრაფიისა. იგი თანამედროვე სეოქასტიკური ჰიდროლოგიის ერთ-ერთი ფუძემდებელია. ამ საკითხებზე მან არაერთი ნაშრომი გამოაქვეყნა, მათ შორის მონოგრაფია (1964, 1977); მისი რედაქტორობით და უშუალო მონაწილეობით შეიქმნა ფუნდამენტური ნაშრომი "მდინარე ბზიფის ჰიდროლოგია" (1981). ტექნიკის მეცნიერებათა დოქტორი, პროფესორი (1966), აკადემიკოსი.

საკანდიდატო დისერტაციის თემა - "წყალსადინარების კასკადური გამოყენების თეორიის ელემენტები" (მოსკოვის ენერგეტიკის ინსტიტუტი), დაიცვა 1950 წელს; სადოქტორო დისერტაციის თემა - "მდინარის ჩამონადენის მრავალწლიური რეგულირების გაანგარიშების საფუძვლები მონტე-კარლოს მეთოდით", დაიცვა 1963 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 297; ქართული საბჭოთა ენციკლოპედია: ტ. 9.-თბ.,1985.-გვ. 311; ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.232-233; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.440

Member of Organizations

  • საქართველოს გეოგრაფიული საზოგადოება, ვიცე–პრეზიდენტი (1980-)
  • საქართველოს ეკოლოგიის აკადემია, აკადემიკოსი
  • საქართველოს ენერგეტიკის აკადემია, აკადემიკოსი
  • საქართველოს მეცნიერებათა აკადემია, აკადემიკოსი (1993-)
  • საქართველოს საინჟინრო აკადემია, აკადემიკოსი

Awards and Honors

  • 1996 - ღირსების ორდენი
    ჰიდროლოგიისა და ჰიდროენერგეტიკის დარგში შეტანილი დიდი წვლილისათვის, ნაყოფიერი სამეცნიერო, პედაგოგიური და საზოგადოებრივი მოღვაწეობისათვის
  • 1982 - ვახუშტი ბაგრატიონის სახელობის პრემია
  • 1981 - საქართველოს მეცნიერებათა დამსახურებული მოღვაწე
  • 1981 - ხალხთა მეგობრობის ორდენი
  • 1971 - პეტრე მელიქიშვილის სახელობის პრემია

Bibliography

Share: