პეტრე გრუზინსკი

დაბადების ადგილი: ქ. კურსკი, რუსეთი.

დაამთავრა პეტერბურგის სამხატვრო აკადემია 1863 წელს.

საზღვარგარეთ გაემგზავრა აკადემიის მხარდაჭერით; პარიზში დახატა სურათები "ზუავების პიკეტი საფრანგეთში მანევრებზე" და "ბაზარი ფონტენბლოში"; 1864 წელს დაბრუნდა რუსეთში, რათა პარიზის მსოფლიო გამოფენისათვის შეკვეთილი სურათის ("რუსის ჯარის მოახლოებისას მთიელები ტოვებენ აულს") ესკიზები შეესრულებინა; 1872 წელს სამუდამოდ დაბრუნდა რუსეთში და იმავე წელს აღნიშნული სურათისათვის აკადემიკოსობა მიიღო; მისი გვიანდელი (1890-მდე) ნამუშევრებია: "სცენა სოფლის ცხოვრებიდან", "გასეირნება ქალაქგარეთ". პეტრე გრუზინსკი ცნობილია კავკასიის ომის სცენების ნახატების სერიით. მიღებული აქვს მცირე ოქროს მედალი (1860) სურათისთვის "ბოშათა ბანაკი", დიდი ოქროს მედალი (1862) სურათისათვის "ღუნიბის აღება". შთამომავალია XVIII საუკუნეში რუსეთში გადასახლებულ ბაგრატიონთა დინასტიის მუხრან-გრუზინსკის შტოსი. დაკრძალულია ქ. პავლოვსკის სამოქალაქო სასაფლაოზე, თუმცა საფლავის ქვა და სამარხი არაა შემორჩენილი. ეროვნებით ქართველი, რუსეთში მოღვაწე ფერმწერი, ბატალისტი და ჟანრისტი.

წყარო: საქართველო: ენციკლოპედია: ტ.2. – თბ., 2012. – გვ.167