გუბაზ I

დაახლოებით 456 აჯანყდა ბიზანტიის წინააღმდეგ ეგრისის დამოუკიდებლობისათვის; დახმარება სთხოვა ირანს, მაგრამ უშედეგოდ; იმპერატორ მარკიანემ ჯარი გამოგზავნა; ეგრისელებმა მედგარი წინააღმდეგობა გაუწიეს მტერს; ომი გაჭიანურდა; გუბაზ I-მა მოლაპარაკება დაიწყო მოწინააღმდეგე მხარესთან, რომლებმაც მოსთხოვეს გადამდგარიყო მეფობიდან ან გადაეყენებინა თავისი ძე, რომელიც თანამმართველად ჰყავდა; გუბაზ I-მა მეფობა თავის ვაჟს წათეს დაუთმო, თვითონ კი, ბიზანტიელთა მოთხოვნით, 465 იმპერატორ ლეონ I–ს ეახლა კონსტანტინოპოლში; წყაროს ცნობით, გუბაზ I ბიზანტიის სამეფო კარზე ჯერ გაუკიცხავთ განდგომისათვის, შემდეგ კი კეთილად მოპყრობიან და სამშობლოში გაუსტუმრებიათ.

წყარო: საქართველო: ენციკლოპედია: ტ.2. – თბ., 2012. – გვ.170