დავით გუბელაძე

დაბადების ადგილი: ქ. თბილისი.

დაამთავრა საქართველოს სასოფლო–სამეურნეო ინსტიტუტი ინჟინერ–ჰიდროტექნიკოსის კვალიფიკაციით 1983 წელს; საქართველოს აგრარული უნივერსიტეტი იურისტ–ეკონომისტის სპეციალობით 1999 წელს.

1983-1988წწ. რუსეთის მეცნიერებათა აკადემიის წყლის პრობლემების ინსტიტუტის ასპირანტი; 1983-2007წწ. საქართველოს სახელმწიფო აგრარული უნივერსიტეტის ჰიდრომელიორაციის ფაკულტეტის ჰიდროტექნიკისა და საინჟინრო ეკოლოგიის კათედრის: ლაბორანტი, ასისტენტი, უფროსი მასწავლებელი, დოცენტი, პროფესორი; 1989-2005წწ. საქართველოს სახელმწიფო აგრარურლი უნივერსიტეტის ასპირანტურისა და დოქტორანტურის განყოფილების ხელმძღვანელი; 2005-2007წწ. იყო საქართველოს სოფლის მეურნეობის სამინისტროს სამელიორაციო სისტემების მართვის დეპარტამენტის თავმჯდომარე; 2007-2011წწ. საქართველოს აგრარული უნივერსიტეტის ხარისხის უზრუნველყოფის სამსახურის ხელმძღვანელი, აგროსაინჟინრო ფაკულტეტის სრული პროფესორი; 2011-2013წწ. ამავე უნივერსიტეტის საინჟინრო ტექნოლოგიის ფაკულტეტის სრული პროფესორი; 2011-2014წწ. საქართველოს განათლების ხარისხის განვითარების ეროვნული ცენტრის ექსპერტი აგროინჟინერიის დარგში; 2011-2015წწ. თბილისის სასწავლო უნივერსიტეტის რექტორის მრჩეველი, აგრარული და საინჟინრო მიმართულების ხელმძღვანელი; 2013-2015წწ. საქართველოს ტექნიკური უნივერსიტეტის სამშენებლო ფაკულტეტის პროფესორი; 2015 წლიდან საქართველოს ტექნიკური უნივერსიტეტის აგრარულ მეცნიერებებისა და ბიოსისტემების ინჟინერინგის ფაკულტეტის პროფესორი და თბილისის სასწავლო უნივერსიტეტის ხარისხის უზრუნველყოფის სამსახურის უფროსი. გამოქვეყნებული აქვს 155-ი სამეცნიერო ნაშრომი, მეთოდური მითითება-წყლის რესურსების ოპტიმალურ მართვასა და მდინარეების ეკოლოგიურ პრობლემებზე, რომლებიც ძირითადად ეხება ნიადაგის წყლისმიერი ეროზიის საკითხებს; გამოგონებული აქვს ფსკერზე მდებარე ნაწილაკის მდგრადობის განმსაზღვრელი ტექნიკური ლაბორატორიული დანადგარი, რომელიც შეისწავლის მაგნიტური ველის გამოყენებით კალაპოტის გარეცხვას. მისი კვლევის მიმართულებაა: მდინარის კალაპოტური პროცესების გაანგარიშების მეთოდების შესწავლა, კალაპოტების ნაკადების ჰიდროლოგიური, ჰიდრომეტრიული და ჰიდრავლიკური კრიტერიუმების დადგენა; მიღებული აქვს მრავალი ჯილდო და სერთიფიკატი, მათ შორის საქართველოს პრეზიდენტის ახალგაზრდა დოქტორთა I ხარისხის სტიპენდია (2000). ჰიდროტექნიკოსი, ტექნიკის მეცნიერებათა დოქტორი (1997), პროფესორი (1998).

წყარო: საქართველო: ენციკლოპედია: ტ.2. – თბ., 2012. – გვ.171; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.210

• საქართველოს სახელმწიფო აგრარულ უნივერსიტეტთან არსებული დოცენტისა და პროფესორის სამეცნიერო-პედაგოგიური წოდებების მიმნიჭებელი პროფესორთა საბჭო, წევრი სპეციალობით "სასოფლო სამეურნეო მელიორაცია" (1997-2006)
• საქართველოს სახელმწიფო აგრარულ უნივერსიტეტთან არსებული სადოქტორო და საკანდიდატო ხარისხის მიმნიჭებელი სადისერტაციო საბჭო, წევრი სპეციალობით "სასოფლო სამეურნეო მელიორაცია" (1999-2006)

• 1998 - ღირსების ორდენი
  საქართველოში აგრარული მეცნიერების განვითარებაში შეტანილი პირადი დიდი წვლილისათვის, ნაყოფიერი და პედაგოგიური მოღვაწეობისათვის

• კალაპოტური პროცესების რეგულირების საინჟინრო გადაწყვეტის მეთოდები (Author). - თბილისი, საქ. ტექ. უნ-ტის გამ., 2019. - 210გვ.
• სასოფლო-სამეურნეო მელიორაციის პრაქტიკული სახელმძღვანელო (Author). - თბილისი, ინდ. მეწარმე გოჩა დალაქიშვილი, 2018. - 322გვ.. - ISBN: 9789941807138
• ეკონომიკისა და ეკონომიკური მეცნიერების განვითარების აქტუალური პრობლემები (27-28 ივნისი, 2014) = Actual problems of development of economy and economic science : ინ-ტის დაარსებიდან 70-ე წლისთავისადმი მიძღვნილი საერთაშორისო სამეცნ.-პრაქტ. კონფერენციის მასალების კრებული (Co-Author). - თბილისი, უნ-ტის ეკონომიკის ინ-ტის გამ-ბა, 2014. - 590გვ.. - ISBN: 978-9941-13-352-7
• სოფლის მეურნეობის ეკონომიკური ლექსიკონი = Dictionary of agriculture economics : ფრანგულ-ინგლისურ-ქართული (Co-Author). - თბილისი, 2007. - 350გვ.. - ISBN: 978-99928-0-766-8