ანდრია გუგუშვილი

დაბადების ადგილი: ქ. ქუთაისი.

სწავლობდა ბერლინის უნივერსიტეტში 1913-1914წწ.; დაამთავრა ლონდონის უნივერსიტეტი 1919 წელს.

იყო ლონდონის უნივერსიტეტის ლექტორი; 1919-1921წწ. ლონდონის ქართული საპროპაგანდო ბიუროს ხელმძღვანელი; 1918-1921წწ. პარალელურად საქართველოს დემოკრატიული რესპუბლიკის საელჩოს პირველი მდივანი; საბჭოთა რუსეთის მიერ საქართველოს ოკუპაციისა და ლონდონში საქართველოს საელჩოს გაუქმების შემდეგ, ინგლისის საგარეო საქმეთა სამინისტროს პატრონაჟით შეიქმნა ქართული ბიურო, რომელსაც იგი ხელმძღვანელობდა; II მსოფლიო ომის წლებში ინგლისის საგარეო საქმეთა სამინისტროს დავალებით გაიგზავნა პარიზში, სადაც მოლაპარაკებები გამართა ქართველ, აზერბაიჯანელ და ჩრდილოეთ კავკასიის პოლიტიკურ ემიგრანტულ წრეებთან; თანამშრომლობდა როგორც ქართულ პოლიტიკურ ემიგრაციის პერიოდულ გამოცემებთან, ისე ინგლისურენოვან პრესასთან, ენციკლოპედია "ბრიტანიკასთან" და ბრიტანულ ეროვნულ მუზეუმთან; იყო ინგლისურენოვანი ჟურნალის "Georgica"-ს ერთ–ერთი დამაარსებელი და პ/მგ მდივანი; აქტიურად მოღვაწეობდა ქართველოლოგიის, საქართველოს ისტორიის დარგში; არაერთი ნაშრომი გამოაქვეყნა საქართველოს ისტორიისა და ქართული ლიტერატურის საკითხებზე; მისი მონაწილეობითა და კონსულტაციით ინგლისურად ითარგმნა ძველი ქართული მწერლობის ძეგლები, მათ შორის: "ომანიანი", "ამირანდარეჯანიანი", "ბალავარიანი", "ვეფხისტყაოსანი"; ქართველი ისტორიკოსი, პუბლიცისტი, დიპლომატი, საზოგადო მოღვაწე, ქართული პოლიტიკური ემიგრაციის თვალსაჩინო წარმომადგენელი.

წყარო: საქართველო: ენციკლოპედია: ტ.2. – თბ., 2012. – გვ.173

• ანტიბოლშევიკ ერთა ბლოკი, წევრი
• დიდი ბრიტანეთისა და ირლანდიის სამეფო სააზიო საზოგადოება, ნამდვილი წევრი
• კავკასიური დამოუკიდებლობის კომიტეტი, წევრი