ირაკლი ბერიძე

დაბადების ადგილი: ქ. თბილისი.

დაამთავრა მოსკოვის სახელმწიფო კონსერვატორია 1945 წელს.

1939 წლიდან იყო საქართველოს სახელმწიფო ფილარმონიის სოლისტი; 1950 წლიდან - თბილისის ვანო სარაჯიშვილის სახელობის კონსერვატორიის პედაგოგი; 1959–1960წწ. - შანხაის კონსერვატორიის პროფესორ-კონსულტანტი; 1960–1967წწ. - თბილისის ვანო სარაჯიშვილის სახელობის კონსერვატორიის პრორექტორი სასწავლო-სამეცნიერო დარგში; 1966 წლიდან - ვიოლინოსა და ალტის კათედრის გამგე; 1967–1972წწ. - კაიროს ეროვნული კონსერვატორიის რექტორი და პროფესორი (ვიოლინოს კლასი); 1973–1979წწ. - თბილისის ზაქარია ფალიაშვილის სახელობის ოპერისა და ბალეტის ეროვნული თეატრის დირექტორი. აქტიურად მონაწილეობდა 1973 წლის ხანძრის შემდეგ ოპერისა და ბალეტის თეატრის აღდგენის ორგანიზებაში.  1990 წლიდან - კაიროს კონსერვატორიის პროფესორი. მოსკოვის პ. ჩაიკოვსკის ყველა კონკურსისა და სხვა საერთაშორისო კონკურსების უცვლელი წევრი, ეწეოდა აქტიურ საკონცერტო და პედაგოგიურ მოღვაწეობას. მიღებული ჰქონდა სახელმწიფო ჯილდოები. ხელოვნებათმცოდნეობის კანდიდატი (1950), პროფესორი (1966). 

წყარო: საქართველო: ენციკლოპედია: ტ.I.–თბ., 1997.–გვ.405;  ქართული მუსიკის ენციკლოპედიური ლექსიკონი. – თბ., 2015. – გვ.76; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.72

• საქართველოს ხელოვნების დამსახურებული მოღვაწე
• საქართველოს სახალხო არტისტი
• ეგვიპტის ხელოვნების აკადემიის "დიდი ოქროს მედალი"
• ჩინეთ–საბჭოთა კავშირის მეგობრობის მედალი