ვლადიმერ ბერიძე

დაბადების ადგილი: ქ. თბილისი.

დაამთავრა საქართველოს ინდუსტრიული ინსტიტუტი 1938 წელს.

სხვადასხვა დროს მუშაობდა "საქკომუნპროექტში" (1959 წლიდან "საქქალაქმშენსახპროექტი) არქიტექტორად, არქიტექტურული ჯგუფის, სახელოსნოს ხელმძღვანელად, მმართველის მოადგილედ. 1952–1954წწ. იყო საპროექტო ინსტიტუტის დირექტორი; 1964 წლიდან ტიპობრივი და ექსპერიმენტული დაპროექტების თბილისის ზონალური სამეცნიერო–კვლევითი ინსტიტუტის არქიტექტურის საპროექტო სახელოსნოს ხელმძღვანელი, მთავარი სპეციალისტი. ძირითადი ნამუშევრებია: შრომის დაცვის სამეცნიერო–კვლევითი ინსტიტუტის შენობა (თბილისი, 1960), სამგზავრო აეროვაგზალი(თბილისი, 1968), საქართველოს არქიტექტურისა და მშენებლობის საქმეთა სამინისტროს "აგროტექმშენის" შენობა(თბილისი, 1971). II მსოფლიო ომის მონაწილე. მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.I.–თბ., 1997.–გვ.405

• 1967 - საქართველოს დამსახურებული არქიტექტორი