ალექსანდრე ბერიძე

დაბადების ადგილი: სოფელი ერკეთი, ჩოხატაურის რაიონი.

დაამთავრა ბათუმის პედაგოგიური ინსტიტუტი 1937 წელს; თბილისის სახელმწიფო უნივერსიტეტის ისტორიის ფაკულტეტი 1940 წელს; ქალაქ ტვერის წითელი არმიის უმაღლესი სამხედრო პედაგოგიური ინსტიტუტი 1941 წელს; მოსკოვის სამხედრო–პოლიტიკური აკადემია 1950 წელს; სამხედრო–პოლიტიკური აკადემიის ადიუნქტურა 1955 წელს.

1940 წლიდან იყო წითელი არმიის რიგებში; 1945 წლიდან მუშაობდა სხვადასხვა სამხედრო დაწესებულებებში; 1991 წელს საქართველოს ფიზიკური კულტურის ინსტიტუტში ჩამოაყალიბა პირველი ეროვნული სამხედრო კათედრა; სახელმწიფო საბჭოს წევრი (1992). მე-2 მსოფლიო ომის მონაწილე. 1992-1995 წწ. საქართველოს მე-3 მოწვევის პარლამენტის წევრი, საარჩევნო ბლოკი: საქართველოს მშრომელთა სოციალისტური პარტია, საარჩევნო ფორმა: პარტიული სიით. მიღებული აქვს სახელმწიფო ჯილდოები. ისტორიის მეცნიერებათა კანდიდატი, პროფესორი (1984), გენერალ–მაიორი (1993).

საკანდიდატო დისერტაციის თემა - "არარუსი ეროვნების მეომართა სამხედრო-პატრიოტული აღზრდა", დაიცვა 1955 წელს.

წყარო: საქართველო: ენციკლოპედია: ტ.I.–თბ., 1997.–გვ.404; საქართველოს პარლამენტის ვებგვერდი: parliament.ge საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ.91; თბილისში დადის ჭარმაგი გენერალი //საქართველოს რესპუბლიკა. - თბილისი, 1996. - 5 იანვარი. - N2(2115). - 1 გვ. (dspace.nplg.gov.ge; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.308; კარგ ქართველთა საფლავები: geonecropol.ge

• ვეტერანთა რესპუბლიკური საბჭო, თავმჯდომარის მოადგილე (1968-1992)
• ომის, შრომისა და შეიარაღებული ძალების ვეტერანთა რესპუბლიკური საბჭო, თავმჯდომარე (1992-1996)
• საქართველოს მე-3 მოწვევის პარლამენტი, წევრი (1992-1995)
• საქართველოს მე-3 მოწვევის პარლამენტის ვეტერანთა საქმეთა კომისია, კომისიის თავმჯდომარე (1994-1995)
• საქართველოს მე-3 მოწვევის პარლამენტის სამეგრელოს რეგიონში მიმდინარე პროცესების შემსწავლელი დროებითი კომისია, წევრი (1992-1995)
• საქართველოს მე-3 მოწვევის პარლამენტის სოციალურ საკითხთა კომისია, წევრი (1992-1995)
• საქართველოს მე-3 მოწვევის პარლამენტის ფრაქცია "თანხმობა", წევრი (1993-1995)

• 1995 - ღირსების ორდენი
• 1944 - წითელი ვარსკვლავის ორდენი
• 1941 - წითელი ვარსკვლავის ორდენი