თამაზ ნადარეიშვილი

დაბადების ადგილი: ქ. გაგრა.

1971-1975წწ. იყო თბილისის უმაღლესი სამხედრო საარტილერიო სასწავლებლის კურსანტი; დაამთავრა სოხუმის სახელმწიფო უნივერსიტეტის ისტორიის ფაკულტეტი 1981 წელს.

1974-1979წწ. იყო გაგრის უშიშროების კომიტეტის სამთავრობო კავშირგაბმულობის განყოფილების თანამშრომელი; 1979-1990წწ. კპ გაგრის ქალაქკომის ინსტრუქტორი, განყოფილების გამგე, II მდივანი; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ფორმა: მაჟორიტარული, მაჟორიტარი, ქ. გაგრის საარჩევნო ოლქიდან; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1990 წლის 9 აპრილი); 1992-1995წწ. საქართველოს მე-3 მოწვევის პარლამენტის წევრი, მაჟორიტარი №9.71 სოხუმის ერთმანდატიანი საარჩევნო ოლქიდან; 1992-1993წწ. აფხაზეთის მინისტრთა საბჭოს თავდაცვისა და უშიშროების საბჭოს თავმჯდომარე; 1993 წელს საქართველოს სახელმწიფო მეთაურის მრჩეველი; 1993-1995წწ. მინისტრთა კაბინეტის ვიცე-პრემიერი; 1999-2004წწ. საქართველოს მე-5 მოწვევის პარლამენტის წევრი, საარჩევნო ბლოკი: "საქართველოს მოქალაქეთა კავშირი", საარჩევნო ფორმა: პარტიული სიით; 1995 წლიდან აფხაზეთის ავტონომიური რესპუბლიკის უმაღლესი საბჭოს თავმჯდომარე; არის აფხაზეთის პრობლემატიკაზე გამოცემული ოთხი წიგნის, რამდენიმე მონოგრაფიის და უამრავი პუბლიკაციის ავტორი. მინიჭებული ჰქონდა გენერალ-მაიორის სამხედრო წოდება.

სადოქტორო დისერტაცია თემა - "ეთნიკური წმენდა და გენოციდი აგრესიული სეპარატიზმის იარაღი". 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 247; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 268; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.100

• აფხაზეთის ავტონომიური რესპუბლიკის აკადემია, აკადემიკოსი (1998-)
• აფხაზეთის გათავისუფლების პარტია, თავმჯდომარე (1999-)
• აფხაზეთის უმაღლესი საბჭო, დეპუტატი (1991-)
• აფხაზეთის უმაღლესი საბჭო, თავმჯდომარე (1995-)
• მსოფლიო საერთაშორისო ინფორმატიზაციის აკადემია, აკადემიკოსი (1997-)
• საქართველოს ეროვნული უშიშროების საბჭო, წევრი (1995-)
• საქართველოს მე-3 მოწვევის პარლამენტი, წევრი (1992-1995)
• საქართველოს მე-5 მოწვევის პარლამენტი, წევრი (1999-2003)
• საქართველოს რესპუბლიკის პირველი მოწვევის უზენაესი საბჭო, წევრი (1990-1992)

• 1998 - გიორგი შერვაშიძის სახელობის სახელმწიფო პრემია
• 1993 - ვახტანგ გორგასლის I ხარისხის ორდენი

• სეპარატიზმის პრობლემა საქართველოში : ისტორია და თანამედროვეობა (თანაავტორი) // წ.1.. - თბილისი, აკადემია, 2003. - 332გვ.. - ISBN: 99928-0-547-1
• შეთქმულება საქართველოს წინააღმდეგ (ავტორი). - თბილისი, სამშობლო, 1998. - 488გვ.
• აფხაზეთი ომამდე და ომის შემდეგ : აფხაზეთის ავტონომიური რესპუბლიკის სოციალურ-ეკონომიკური მდგომარეობის შესახებ 1980-1993 წლები (ავტორი). - თბილისი, სამშობლო, 1998. - 183გვ.
• გენოციდი აფხაზეთში (ავტორი) // ნაწ. 2.. - თბილისი, 1996. - 117გვ.