გიზო ბერაძე

დაბადების ადგილი: სოფელი მუხიანი, წყალტუბოს რაიონი.

დაამთავრა თბილისის პოლიტექნიკური ინსტიტუტის მექანიზაციის ფაკულტეტი 1955 წელს.

1955–1958წწ. იყო საქართველოს სახელმწიფო ფილარმონიის სოლისტ–მოცეკვავე; 1958–1962წწ. ცეკვავდა საქართველოს ხალხური ცეკვის სახელმწიფო დამსახურებულ აკადემიურ ანსამბლში (ხელმძღვ. ნ. რამიშვილი და ი. სუხიშვილი); 1968 წლიდან იყო საქართველოს მოდისა და ჩაცმის კულტურის სახელმწიფო ცენტრის მთავარი ინჟინერი, 1971 წლიდან დირექტორი. ასრულებდა ცეკვებს: "ფარიკაობა", "მთიულური", "ყაზბეგური" და სხვ. მიღებული აქვს მსოფლიო ახალგაზრდობის V ფესტივალის (ვარშავა) I პრემია და ოქროს მედალი (1955), მსოფლიო ახალგაზრდობის VII ფესტივალის (მოსკოვი) ორი ვერცხლის მედალი (1957).

წყარო: საქართველო: ენციკლოპედია: ტ.I.–თბ., 1997.-გვ.398 (georgianencyclopedia.ge); ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988, გვ.174

• 1966 - საქართველოს დამსახურებული არტისტი