სანდრო მრევლიშვილი

დაბადების ადგილი: ქ. თბილისი.

დაამთავრა ქ. ლენინგრადის თეატრალური ინსტიტუტის სარეჟისორო ფაკულტეტი 1963 წელს.

1963-1966წწ. იყო სოხუმის დრამატული და 1966-1973წწ. კ. მარჯანიშვილის თეატრების რეჟისორი; 1966 წლიდან თეატრალური ინსტიტუტის პედაგოგი; 1973 წლიდან "მეტეხის თეატრის" რეჟისორი; 1996 წლიდან სახელმწიფო კულტურის ინსტიტუტის თეატრალური სახელოსნოს ხელმძღვანელი. საქართველოს შოთა რუსთაველის თეატრისა და კინოს სახელმწიფო უნივერსიტეტის ასოცირებული პროფესორი მსახიობის ოსტატობის მიმართულებით. დადგმული აქვს 100-მდე სპექტაკლი.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 240;  წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.216

• პედაგოგიურ მეცნიერებათა აკადემია, აკადემიკოსი (1977-)
• საქართველოს თეატრალურ მოღვაწეთა კავშირი, წევრი (1963-)

• 1999 - ღირსების ორდენი
  ქართული თეატრალური ხელოვნების განვითარებაში, მის პოპულარიზაციაში შეტანილი პირადი დიდი წვლილისა, ნაყოფიერი შემოქმედებითი და პედაგოგიური მოღვაწეობისათვის
• 1996 - კოტე მარჯანიშვილის სახელობის პრემია
• 1987 - საქართველოს სახალხო არტისტი
• 1977 - ხელოვნების დამსახურებული მოღვაწე
• საქართველოს სახელმწიფო პრემია