ვერა ბელეცკაია

დაბადების ადგილი: ქ. თბილისი.

დაამთავრა თბილისის სამხატვრო აკადემია 1937 წელს.

მუშაობდა საბავშვო წიგნის ილუსტრაციის დარგში. გაფორმებული აქვს ჰ.კ ანდერსენის (1956), ნ. ნაკაშიძის (1959), რუმინული (1956) და იუგოსლავიური (1960) ზღაპრების კრებულები. ქმნიდა დაზგური გრაფიკის ნიმუშებს. შერეული ტექნიკით შესრულებული ლინოგრავიურების და ფერადოვანი გრაფიკული ფურცლების ძირითადი თემა იყო საქართველოს ბუნება და ქართული ხუროთმოძღვრული ძეგლები: "სვანეთი" (1958), "ხევსურეთი" (1964), "თბილისი" (1962–1969). მისი ყველა ნამუშევარი ინახება საქართველოს სურათების გალერეაში. გრაფიკოსი.

წყარო: საქართველო: ენციკლოპედია: ტ.I.–თბ., 1997.–გვ.394

• 1962 - საქართველოს დამსახურებული მხატვარი