ლადო მირიანაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეოფიზიკის სპეციალობით 1973 წელს.

1973-1994 წწ. იყო გეოფიზიკის ინსტიტუტის მეცნიერ-თანამშრომელი; 1992-1994 წწ. – მეცნიერებათა აკადემიის დედამიწის შემსწავლელ მეცნიერებათა განყოფილების სწავლული მდივანი, ხოლო 1994-2002 წწ. – საგარეო ურთიერთობათა განყოფილების უფროსი; 1984 წელს დაიცვა დისერტაცია, მიენიჭა ფიზიკა-მათემატიკის მეცნიერებათა კანდიდატის ხარისხი; სადისერტაციო თემა - "დახრისმზომებით წარმოებული დედამიწის მიმოქცევით დაკვირვებებზე "მეორადი" ეფექტების გავლენის გამოკვლევა"; 1994 წლიდან დავითგარეჯის მონასტრების მოწყობის თავისებურებებითა და ისტორიით დაინტერესდა და მათ შესახებ არსებული საისტორიო ცნობების თავმოყრა და შესწავლა დაიწყო; დავითგარეჯისადმი ინტერესი იმდენად დიდი იყო, რომ გადაწყვიტა დრო მთლიანად ამ რეგიონის კვლევისთვის დაეთმო, რა მიზეზითაც 2002 წელს საჯარო სამსახურს თავი დაანება და მხოლოდ სამეცნიერო პროექტებით დაკავდა; დავითგარეჯისადმი მიძღვნილი პირველი საისტორიო ნაშრომი 2001 წელს გამოაქვეყნა, რასაც სხვა პუბლიკაციებიც მოჰყვა. საისტორიო თემატიკის კუთხით გამოქვეყნებული აქვს 30-ზე მეტი სამეცნიერო სტატია და ერთი ბუკლეტი, მათ შორის: "აღდგომას წამებულ გარეჯელ ბერთა უცნობი ტიპის სამარტვილე" (წმ. ელია წინასწარმეტყველის ეკლესიად ცნობილი ნაგებობის რეალური ფუნქციის დადგენისათვის), ისტორიისა და ეთნოლოგიის ინსტიტუტის შრომები, VIII, თბილისი 2008, გვ. 131-147(academia.edu); "სერობის წესები ქართულ მონასტრებში და სერობის ბოლოს "ღმრთისმშობლისაჲს აღღების" ტრადიციაზე მიმანიშნებელი, XI-XIII საუკუნეების სატრაპეზოების ერთი არქიტექტურული დეტალი. ქართული წყაროთმცოდნეობა, XIII-XIV. თბილისი 2011/2012, გვ. 42-50 (academia.edu); "How did an Eulogia Brought from Jerusalem in the Sixth Century Assist in Promoting Davit-Gareji’s Cave Monasteries to the Regional Caucasian Significance". Cuius Patrocinio Tota Gaudet Regio. Saint’s Cults and the Dynamics of Regional Cohesion, Zagreb 2014, pp. 369-376 (academia.edu); "A Rock-Cut Hermitage of Chichkhituri Monastery of Gareji with St. jacob the Persian's Martyrdom Mural". Pro Georgia - Journal of Kartvelological Studies v.30, Warsaw 2020, 135-146 (academia.edu); "ქოროღოს რელიეფები, როგორც ადგილობრივი თემის მიერ ეკლესიის აგებისა და ერთობლივი ფლობის დამადასტურებელი პირველადი ისტორიული წყარო". ქართული წყაროთმცოდნეობა XXIII, თბილისი 2021, გვ. 123-137 (academia.edu); არის ვიდეოფილმის "ფიქრები 1921 წლის თებერვალზე" (1997) სცენარის ავტორი; თარგმნილი აქვს ათამდე წიგნი და არაერთი კონფერენციის თეზისების კრებული. გეოფიზიკოსი, დავითგარეჯის მონასტრების ისტორიის მკვლევარი.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 233

• მეცნიერების ფონდი "უდაბნო", თავმჯდომარე (2002-)
• ფონდი "უდაბნო", აღმასრულებელი დირექტორი (1994-2002)

• გარეჯის ადრეული მონასტიციზმი და ჩიჩხიტურის ზოსიმე-პიმენის კერძო სამლოცველოს მოხატულობის პროგრამა, როგორც ბერული ცხოვრების არსის ანარეკლი (Author). - თბილისი, არტანუჯი, 2001. - 298გვ.. - ISBN: 99928-991-4-X