პაპა ბებურიშვილი

ერეკლე II–ის თანამებრძოლი; კახელი თავადიშვილი; თავდაპირველად მხარს უჭერდა ასან–მირზას (დავით II–ის ძე) თეიმურაზ II–ისა და ერეკლე II–ის წინააღმდეგ ბრძოლაში, შემდგომში ერეკლეს მიემხრო. 1751 წელს, აგარის ბრძოლაში დამარცხების შემდეგ, ბებურიშვილმა ერეკლე II მდინარე ალაზანში დახრჩობას გადაარჩინა; 1755 წელს იგი მეთაურობდა 206 მოხალისე თავადს, აზნაურსა და გლეხს, რომლებმაც გაარღვიეს ყვარლის ალყა (ყვარლის ბრძოლა 1755 წელი) და მეციხოვენეებს სურსათი და ტყვია-წამალი მიაწოდეს.

წყარო: საქართველო: ენციკლოპედია: ტ.I.–თბ., 1997.–გვ.387