გიორგი მაჩაბელი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1965 წელს.

1965–1968წწ. მუშაობდა მოსკოვის სახელმწიფო უნივერსიტეტის სინერგეტიკის ლაბორატორიაში პლაზმის ფიზიკის თეორიის დარგში.1968-1976წწ. იყო ფიზიკის ინსტიტუტის უმცროსი და შემდეგ კი უფროსი მეცნიერ-თანამშრომელი; 1976–2009წწ. აბასთუმნის ასტროფიზიკური ობსერვატორიის წამყვანი მეცნიერი თანამშრომელი; 1989 წლიდან ობსერვატორიის მთავარი მეცნიერ-თანამშრომელი; 1990 წლიდან საქართველოს ტექნიკური უნივერსიტეტის პროფესორი; 2006–2009წწ. თბილისის სახელმწიფო უნივერსიტეტისა და 2009–2011წწ. ილიას სახელმწიფო უნივერსიტეტში პროფესორი; 2010–2011წწ. თეორიული ფიზიკის ინსტიტუტის დირექტორი; 2011 წლიდან ილიას სახელმწიფო უნივერსიტეტის ემერიტუსი პროფესორი. ავტორია 90-მდე სამეცნიერო სტატიის; მისი სამეცნიერო კვლევები ეხება პლაზმაში არაწონასწორული პროცესების სტატისტიკური და მაგნიტური ჰიდროდინამიკის პულსარების გამოსხივების თეორიებს. არის სამეცნიერო პუბლიკაციების ავტორი. ეწევა ნაყოფიერ პედაგოგიურ მოღვაწეობას. წლების განმავლობაში საქართველოს ტელევიზიით მიჰყავდა სამეცნიერო-პოპულარული გადაცემები. თანამშრომლობდა ცნობილი სამეცნიერო ცენტრების წარმომადგენლებთან: კალიფორნიის ტექნოლოგიურ უნივერსიტეტთან (აშშ), ვაიცმანის ინსტიტუტთან (ისრაელი), კოსმოსური გამოკვლევების ინსტიტუტთან (რუსეთი), სიდნეის უნივერსიტეტთან (ავსტრალია) და სხვა.

საკანდიდატო დისერტაციის თემა - "კვაზიწრფივი თეორია დაჯახების გათვალისწინებით", დაიცვა 1970 წელს;

სადოქტორო დისერტაციის თემა - "პლაზმური პროცესების როლი პულსარების გამოსხივებაში", დაიცვა 1983 წელს.

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 217; ივანე ჯავახიშვილის სახელობის თბილისის სახელმწიფო უნივერსიტეტის ვებ გვერდი: tsu.ge; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 596-597

• საქართველოსა და ამერიკის შეერთებული შტატების საზოგადოებები, წევრი

• ავტომატიზებული ელექტროამძრავის საფუძვლები : სახელმძღვ. (თანაავტორი) // ნაწ. 2.. - თბილისი, ტექნ. უნ-ტი, 2005. - 92 გვ.
• ავტომატიზებული ელექტროამძრავის საფუძვლები : სახელმძღვ. (თანაავტორი) // ნაწ. 1.. - თბილისი, ტექნ. უნ-ტი, 2005. - 84 გვ.. - ISBN: 99940-35-67-3