ლორიკ მარშანია

დაბადების ადგილი: ქ. ოჩამჩირე.

დაამთავრა ქ. მოსკოვის სახელმწიფო ეკონომიკური ინსტიტუტი 1957 წელს.

1957-1959წწ. მუშაობდა აფხაზეთის საგეგმო კომიტეტში; 1963-1964წწ. გულიას სახელობის კვლევით ინსტიტუტში, ხოლო 1964-1973წწ. საქართველოს სუბტროპიკულ ინსტიტუტში ჯერ დოცენტის თანამდებობაზე, შემდეგ კი პრორექტორად სამეცნიერო დარგში; 1973-1975წწ. აფხაზეთის ავტონომიური რესპუბლიკის მინისტრთა საბჭოს თავმჯდომარის პირველი მოადგილეა; 1978-1980წწ. აფხაზეთის ავტონომიური რესპუბლიკის კომპარტიის საოლქო კომიტეტის მდივანი; 1980-1985წწ. საქართველოს კომპარტიის ცენტრალური კომიტეტის სასოფლო-სამეურნეო განყოფილების გამგის მოადგილე; 1985-1991წწ. საქართველოს სახალხო მეურნეობის მართვის ინსტიტუტის რექტორი; 1992-2002წწ. აფხაზეთის ავტონომიური რესპუბლიკის მთავრობის თავმჯდომარის პირველი მოადგილე; 2002 წლიდან გარდაცვალებამდე – უმაღლესი საბჭოს მრჩეველი. 250-ზე მეტი ნაშრომის ავტორია, მათ შორის არის მრავალი მონოგრაფიის ავტორთა ხელმძღვანელი.

წყარო: აფხაზეთის ავტონომიური რესპუბლიკის მთავრობის ვებ-გვერდი: abkhazia.gov.ge; newposts.ge; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.189

• აფხაზეთის მეცნიერებათა აკადემია, ნამდვილი წევრი
• მოძრაობა "მშვიდობიანი აფხაზეთი", კოორდინატორი
• საქართველოს სოფლის მეურნეობის მეცნიერებათა აკადემია, აკადემიკოსი (1995-)

• 1997 - ვახტანგ გორგასლის I ხარისხის ორდენი
• საქართველოს მეცნიერებათა დამსახურებული მოღვაწე
• გიორგი შერვაშიძის სახელობის სახელმწიფო პრემია