ვალერიან ბაქრაძე

დაბადების ადგილი: ონის რაიონი, სოფელი სევა. 

1911 წელს მუშაობდა თბილისის მუსიკალური ინსტრუმენტების ფაბრიკაში; 1921–1923წწ. იყო წითელი არმიის რიგებში; 1924 წლის აგვისტოში მონაწილეობდა მუხრანის რაიონში მოქმედი ქაქუცა ჩოლოყაშვილისა და ლელო ჩიქოვანის რაზმის წინააღმდეგ ბრძოლაში; 1924–1930წწ. მუშაობდა საქართველოს კომუნისტური პარტიის მუხრანის რაიკომის მდივნად, ცენტრალური კომიტეტის ინსტრუქტორად, კახეთის საოლქო კომიტეტის მდივნად; 1930–1931წწ. სწავლობდა საკავშირო კომუნისტური პარტიის ცენტრალურ კომიტეტთან არსებულ მარქსიზმ–ლენინიზმის კურსებზე; 1931–1937წწ. იყო პარტიის  ცენტრალურ კომიტეტის განყოფილების გამგე, თბილისის მშრომელთა დეპუტატების საბჭოს თავმჯდომარე, საქართველოს კომუნისტური პარტიის ცენტრალური კომიტეტის მეორე მდივანი; 1937–1947წწ. საქართველოს სსრ მინისტრთა საბჭოს თავმჯდომარე. კომუნისტური პარტიისა და სახელმწიფო მოღვაწე. მიღებული აქვს სახელმწიფო და საბრძოლო ჯილდოები.

წყარო: საქართველო: ენციკლოპედია: ტ.I.–თბ., 1997.–გვ.374

• ამიერკავკასიის ფრონტის 46–ე სამხედრო საბჭო, წევრი (1942-1943)
• კომპარტიის ამიერკავკასიის სამხარეო კომიტეტი, წევრი
• კომუნისტური პარტია, წევრი (1921-)
• საბჭოთა კავშირის I-III მოწვევები, დეპუტატი
• საკავშირო კომუნისტური პარტიის XIX ყრილობა ცენტრალური კომიტეტი, წევრობის კანდიდატი
• საკავშირო კომუნისტური პარტიის XVIII ყრილობა ცენტრალური კომიტეტი, წევრობის კანდიდატი
• საქართველოს სსრ I-III მოწვევები, დეპუტატი
• საქართველოს ცენტრალური აღმასრულებელი კომიტეტის პრეზიდიუმი, წევრი