ბიძინა გუჯაბიძე

დაბადების ადგილი: სოფელი ჩოჩხათი, ლანჩხუთის რაიონი.

დაამთავრა თბილისის ტექნიკური უნივერსიტეტი 1982 წელს.

შესრულებული აქვს ასვლები უშბაზე (8 ასვლა, ერთი ჩქაროსნული – 9სთ–ში), მყინვარწვერზე (60–მდე ასვლა, ერთი ჩქაროსნული სარეკორდო დროში – 12სთ 20წთ.) კონჟენევსკაიას პიკზე (2 ასვლა), კომუნიზმის (1998 წლიდან ისმაილ სამანის) პიკზე (2 ასვლა), ლენინის (2006 წლიდან იბნ სინას) პიკზე (2ასვლა), ხან–თენგრიზე (11 ასვლა, 1993-2004), მთავარ ლჰოცზეზე, დჰაულაგირზე (1996), ევერესტზე (2 ასვლა, 1999, 2004); 26–ჯერ დალაშქრა 7–ათასიანი მწვერვალები, 8–ათასიანი 6–ჯერ; ალპინისტი, მეკლდეური.

წყარო: საქართველო: ენციკლოპედია: ტ.2. – თბ., 2012. – გვ.236; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.194

• 1999 - ვახტანგ გორგასლის III ხარისხის ორდენი
  1999 წლის 12-26 მაისს, პირველად საქართველოს ისტორიაში, მსოფლიოს უმაღლეს მწვერვალზე -ევერესტზე ურთულესი მარშრუტით ასვლისას გამოჩენილი გამბედაობის, გულადობისა და მაღალი პროფესიონალიზმისათვის, ალპინიზმის პოპულარიზაციისა და ქართული ალპინისტური სკოლის საერთაშორისო სარბიელზე წარმოჩენაში შეტანილი პირადი დიდი წვლილისათვის
• ნეპალის სამთავრობო სიგელი
• ღირსების ორდენი
• მთამსვლელთათვის დაწესებული საპატიო წოდება "თოვლის ჯიქი"