
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

როდენ ალიბეგაშვილი

Date of birth:	5 January, 1927
Date of death:	11 April, 1985 (at 58 years)
Category:	Composer, Musician

Biography

დაბადების ადგილი: ქ. ვლადიკავკაზი.

დაამთავრა თბილისის ვანო სარაჯიშვილის სახელობის სახელმწიფო კონსერვატორიის საორკესტრო ფაკულტეტი ტრომბონის სპეციალობით (ს. გვენცაძის კლასი) 1951 წელს; საკომპოზიციო ფაკულტეტი (ა. მაჭავარიანის კლასი) 1959 წელს.

1943 წელს რ. ალიბეგაშვილი მუშაობდა საორკესტრო მუსიკალური ფონდის ბიუროში მუსიკოსად; 1945 წელს კინოთეატრ რუსთაველში, 1948 წელს საქართველოს სახელმწიფო სიმფონიურ ორკესტრში, სადაც სიცოცხლის ბოლომდე ითვლებოდა პირველ ტრომბონად; 1960 წლიდან თბილისის სახელმწიფო კონსერვატორიის პედაგოგია, სასულე საკრავების კათედრაზე; იყო მრავალი კონკურსის ლაურეატი; 1974 წელს სახელმწიფო სიმფონიურ ორკესტრთან ერთად საგასტროლოდ იმყოფებოდა პოლონეთში; სხვადასხვა წელს საგასტროლოდ იყო მოსკოვში, ლენინგრადში, კიევსა და ყოფილი საბჭოთა კავშირის სხვა ქალაქებში; მის ნაწარმოებს შორის აღსანიშნავია: სიმფონიური ზღაპარი "ჩხიკვთა ქორწილი" (1960), კონცერტი ტრომბონისათვის ორკესტრის თანხლებით (1979), სიმფონიური ვალსი (1970), სიმფონიური სურათი "ხეობა", საბავშვო ოპერეტა "ექიმი აიბოლიტი" (1983); რ. ალიბეგაშვილს ეკუთვნის მრავალი პიესა სიმფონიური და საესტრადო ორკესტრისთვის, სიმღერები, მარშები, ეტიუდების კრებული ტრომბონისთვის, სკერცო საყვირისთვის ფორტეპიანოს თანხლებით და სხვა; გადმოკეთებული აქვს ტრომბონისთვის ი. ბახის, ვ. მოცარტის, მარჩელოს, რ. გლიერის, ო. თაქთაქიშვილისა და სხვათა ნაწარმოებები; მოღვაწეობა საქართველოს სახელმწიფო სიმფონიური ორკესტრში. მისი შესრულებით დიდ მოწონებას იმსახურებდა მ. რაველის "ბოლერო", ლ. ბეთჰოვენის, ი. ბ ახის, რ. ვაგნერის უვერტიურები, ბ. კვერნაძის, ა. მაჭავარიანის, გ. ყანჩელისა და სხვათა ნაწარმოებები.

წყარო: Композиторы грузии: Издание второе. – тб., 1973. – გვ. 9; 2007 წლის საიუბილეო თარიღები: (თეატრი, მუსიკა, კინო, ქორეოგრაფია),- თბ., 2007.- გვ.5

Member of Organizations

საბჭოთა კავშირის კომპოზიტორთა კავშირი, წევრი (1964-1985)

Awards and Honors

1961 - საქართველოს დამსახურებული არტისტი