სერგი ბარხუდარიანი

დაბადების ადგილი: ქ. თბილისი.

დაამთავრა თბილისის მუსიკალური სასწავლებელი 1907 წელს; სწავლობდა ბერლინის კომსერვატორიაში 1907–1909წწ.(ფორტეპიანოს კლასი); დაამთავრა პეტროგრადის კონსერვატორია 1915 წელს (კომპოზიციის კლასი, პროფ. ვ. კალაფატის და პროფ. ი. ვიტოლის კლასი).

კონსერვატორიის დამთავრების შემდეგ, იქვე რჩება შემდგომი დახელოვნებისათვის; 1917 წელს ს. ბარხუდარიანი ბრუნდება თბილისში და მართავს საფორტეპიანო კონცერტებს; 1918 წელს კი მიიწვიეს სომხური მუსიკალური სკოლის დირექტორად; 1919-1929 წლებში მუშაობდა ერევნის საგუნდო კურსების ხელმძღვანელად; 1921-1923 წლებში კონცერტებს მართავს ამიერკავკასიაში, მოსკოვსა და ლენინგრადში; 1923–1955წწ. მუშაობდა ვ. სარაჯიშვილის სახელობის თბილისის სახელმწიფო კონსერვატორიში პედაგოგად, ამავდროულად ერევნის კონსერვატორიაშიც (1934-1937); 1941 წლიდან თბილისის კონსერვატორიის პროფესორია;  მისი მოწაფეები იყვნენ: ო. თაქთაქიშვილი, შ.  თაქთაქიშვილი, გ. კილაძე, გ. ჩხიკვაძე, შ. აზმაიფარაშვილი, ა. ანდრიაშვილი, ა. ბაბაჯანიანი, ა. არუთინიანი, ო. ბარამიშვილი, ნ. გუდიაშვილი; მის მიერ დაწერილი ნაწარმოებებიდან აღსანიშნავია: სიმფონიური პოემა "ანუში" (1917), ბალეტი "ნარინე" (1938), უვერტიურა "1943", საბავშვო მუსიკალური კომედია "კერი კუჩი", საფორტეპიანო ნაწარმოებები: "ვალსი", "წყარო", "აკვარელი", "ესკიზი", "ზღაპარი", "აღმოსავლური ცეკვები", "სიუიტა", აგრათვე ელეგიები, პრელუდიები, ვალსები, მარშები, ლირიკული სიმღერები, დაამუშავა საიათნოვას სიმღერები და სხვა.

 წყარო: Композиторы грузии: Издание второе. – тб., 1973. - გვ. 32; ქართული საბჭოთა ენციკლოპედია: ტ. 2. - თბ., 1977. – გვ.219; 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.81;  ქართული მუსიკის ენციკლოპედიური ლექსიკონი. – თბ., 2015. – გვ.67

• 1960 - საქართველოს სახალხო არტისტი
• 1960 - სომხეთის სსრ სახალხო არტისტი
• 1936 - საქართველოს ხელოვნების დამსახურებული მოღვაწე
• 1935 - სომხეთის ხელოვნების დამსახურებული მოღვაწე
• ლენინის ორდენი