რამაზ ქარუხნიშვილი

დაბადების ადგილი: ქ. თელავი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1960 წელს.

1959–1960წწ. ასწავლიდა თეორიულ საგნებს თბილისის I და II სამუსიკო სასწავლებლებში; 1960–1961წწ. იყო საქართველოს კულტურის სამინისტროს მუსიკალური დაწესებულებების ინსპექტორი; 1961–1966წწ. და 1973–1981წწ. ქ. თელავის სამუსიკო სასწავლებლის დირექტორი; მისი შემოქმედებიდან აღსანიშნავია: "სიმფონიური ზღაპარი" ფორტეპიანოსა და ორკესტრისათვის, სიმფონიური "ფრესკა", სიმფონიური პოემა "26–ის ხსოვნას"(1959), "საცეკვაო იმპროვიზაციები" ფორტეპიანოსათვის(1961, რვა ნაწილად), "მონოდრამა" სოპრანოს, სიმებიანი ორკესტრის, არფისა და ლიტავრისათვის(1965, გ. ლეონიძისა და ს. კაპუტიკიანის ტექსტზე), კანტატა "წელიწადის დრონი"(1968, შერეული საბავშვო გუნდისათვის ა კაპელა, შიო მღვიმელის სიტყვებზე), "კახური მადრიგალები" საბავშვო გუნდისათვის(1968), "კანტატა საქართველოზე"(1969), "ეპიტაფია" კამერული ორკესტრისათვის(1970), ორატორია "გმირულ საქართველოს"(1971, შერეული გუნდისა და ორღანოსათვის, გ. ტაბიძისა და გ. ლეონიძის სიტყვებზე), "დრამატული მოთხრობა"(1972, ხმისთვის, სიმებიანი ორკესტრისა და ლიტავრების თანხლებით, ქართველი და სომეხი პოეტების სიტყვებზე); დაწერილი აქვს მუსიკა კინოფილმისთვის "კაცები"(1974).

 წყარო: Композиторы грузии: Издание второе. – тб., 1973. - გვ. 102; Композиторы и музыковеды грузии. – тб., 1984. - გვ. 201; თბილისის ვ. სარაჯიშვილის სახელობის სახელმწიფო კონსერვატორია: www.conservatoire.edu.ge

• საბჭოთა კავშირის კომპოზიტორთა კავშირი, წევრი (1962-1991)
• საქართველოს კომპოზიტორთა კავშირი, თავმჯდომარის მოადგილე (1981-19??)

• 1962 - ახალგაზრდა კომპოზიტორების საკავშირო კონკურსი, ლაურეატი
• საქართველოს ხელოვნების დამსახურებული მოღვაწე