ხასან ინაიშვილი

დაბადების ადგილი: ქ. ქობულეთი.

დაამთავრა თბილისის სახელმწიფო სამხატვრო აკადემიის ფერწერის ფაკულტეტი 1965 წელს.

გამოფენებში მონაწილეობდა 1965 წლიდან. მუშაობდა პორტრეტის, ნატურმორტის, პეიზაჟის ჟანრში. ქმნიდა თემატურ კომპოზიციებს. მისი ნამუშევრებია: "ქართლის პეიზაჟი" (1961), "ნატურმორტი თევზით" (1965), "ცხვრის ფარა მთებში"  (1966), "ყვავილები ფანჯრის რაფაზე" (1968), "სოფელი ჩაისუბანი" (1973), "ქალთა ბრიგადა" (1975), "წარმატებული ნახტომი" (1975) და სხვ. მიღებული აქვს საქართველოს მინისტრთა საბჭოს პრემია სახვითი ხელოვნების დარგში (1988). ნამუშევრები დაცულია ეროვნულ გალერეაში, აჭარის ხელოვნების, მოსკოვის აღმოსავლეთის ხალხთა ხელოვნების, კიევის რუსული ხელოვნების მუზეუმებში. 

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 157;  საქართველო: ენციკლოპედია: ტ. IV. -თბ., 2018. -გვ.264; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.231

• საქართველოს მხატვართა კავშირი, წევრი (1966-)

• 1999 - ღირსების ორდენი
  ქართული სახვითი ხელოვნების განვითარებასა და მის პოპულარიზაციაში შეტანილი პირადი დიდი წვლილისათვის, ნაყოფიერი შემოქმედებითი, პედაგოგიური და საზოგადოებრივი მოღვაწეობისათვის
• 1982 - საქართველოს დამსახურებული მხატვარი