ბარძიმ არაგვის ერისთავი

არაგვის ერისთავი 1731–1739 წლებში; გიორგი არაგვის ერისთავის ძე; 1724 წელს ვახტანგ VI-ს წაჰყვა რუსეთში; 1729–1730 წლებში დაბრუნდა; 1731 წელს ქართლის მმართველმა ისაყ-ფაშამ არაგვის ერისთავად დანიშნა; 1736 წელს ქართლში ირანის წინააღმდეგ აჯანყების დროს მტრის მხარეზე იყო; ებრძოდა შანშე ქსნის ერისთავს; შანშეს ძმის იასეს ცოლ-შვილი ყიზილბაშებს ჩაუგდო ხელში. 1739 წლის ივლისში შანშე თავს დაესხა ანანურის ციხეს და ბარძიმ არაგვის ერისთავი თავისი სახლიკაცებიანად ამოხოცა.

წყარო: საქართველო: ენციკლოპედია: ტ.I.–თბ., 1997.–გვ.361