კონსტანტინე მეღვინეთუხუცესი

დაბადების ადგილი: სოფელი ხიდისთავი, გორის რაიონი.

დაამთავრა თბილისის მუსიკალური სასწავლებელი 1909 წელს, პეტერბურგის კონსერვატორია 1913 წელს, პეტერბურგის უნივერსიტეტის იურიდიული ფაკულტეტი.

მუშაობდა ვ. სარაჯიშვილის სახელობის თბილისის სახელმწიფო კონსერვატორიაში ადმინისტრაციულ თანამდებობაზე(1932 წლიდან პროფესორი); 1943 წელს აირჩიეს თბილისის თეატრალურ ინსტიტუტში მუსიკის კათედრის გამგედ და კითხულობდა ლექციებს მუსიკის ისტორიაში; ეწეოდა ნაყოფიერ შემოქმედებით მუშაობას, მას ეკუთვნის: ოპერები – "ამირანი", "დავით გურამიშვილი", "ბეკინას ქორწინება"; ექვსი სიმფონია; ერთი ბალეტი – "ჭანი გოგონა"; საქართველოს წამყვან თეატრებში მუსიკალურად აფორმებდა სპექტაკლებს, წლების მანძილზე მჭიდრო შემოქმედებითი თანამშრომლობა ჰქონდა კ. მარჯანიშვილთან; რამდენიმე სამეცნიერო ნაშრომის ავტორია, მათ შორის აღსანიშნავია "შემავალი ტონის ისტორია", "ქართული ხალხური პოლიფონია".

• 1946 - საქართველოს ხელოვნების დამსახურებული მოღვაწე