გიორგი ბადრიძე

დაბადების ადგილი: ქ. ქუთაისი.

დაამთავრა მოსკოვის უნივერსიტეტის სამედიცინო ფაკულტეტი 1894 წელს.

1894–1896წწ. იყო მოსკოვის შინაგან სნეულებათა კლინიკის ორდინატორი; 1896–189წწ. მუშაობდა თბილისის მიხეილის საავადმყოფოს თერაპიულ განყოფილებაში, ხოლო 1898–1906წწ. ქ. ნახიჩევანში ექიმად; 1906 წლიდან მუშაობდა ქუთაისში. მისი თაოსნობით დასავლეთ საქართველოში გაიხსნა ბავშვთა სამკურნალო-პროფილაქტიკური დაწესებულებები და თავშესაფრები. ქართულ ჟურნალ-გაზეთებში ("მოამბე", "განთიადი", "ივერია", "დროება", "სამშობლო", "ჩვენი ქვეყანა" და სხვ.) აქვეყნებდა სამეცნიერო-პოპულარულ სტატიებს მედიცინის ისტორიის, ჰიგიენის, ფილოსოფიის და სხვა საკითხებზე. ეწეოდა პედაგოგიურ მოღვაწეობას ქუთაისის გიმნაზიებში (ასწავლიდა ჰიგიენას).  პედიატრი.

 წყარო: საქართველო: ენციკლოპედია: ტ.I.–თბ., 1997.–გვ.324

• ქართველთა შორის წერა-კითხვის გამავრცელებელი საზოგადოების ქუთაისის განყოფილება, წევრი (1913-)
• ქუთაისის სამედიცინო საზოგადოება, ერთ-ერთი ფუძემდებელი, წევრი