ლადო ახმეტელი

დაბადების ადგილი: სოფელი ანაგა, სიღნაღის რაიონი(ყოფ. თელავის მაზრა).

სწავლობდა თელავის სასულიერო სკოლაში, 1892–1898წწ. თბილისის სასულიერო სემინარიაში. 1899 წელს პედაგოგიურ მოღვაწეობას ეწეოდა თბილისში. 1899 წლის მეორე ნახევარში გერმანიაში გაემგზავრა. 1901–1904წწ. სწავლობდა ლაიფციგისა და ჰალეს უნივერსიტეტებში, ლაიფციგის უმაღლეს სავაჭრო სკოლაში. 1904 წელს ჰალეს უნივერსიტეტში დაიცვა სადოქტორო დისერტაცია თემაზე: "საქართველოს საშინაო ვაჭრობა' (Der Hausierhandel in Georgien). იკვლევდა საქართველოს ეკონომიკის, სახელმწიფო სამართლის და სხვა საკითხებს. საქართველოში დაბრუნების შემდეგ აქვეყნებდა პრესაში წერილებს ეკონომიკაზე, გერმანიის სოციალ-დემოკრატიისა და მუშათა მოძრაობის შესახებ ("შვარცის" ფსევდონიმით). პუბლიცისტურ წერილებს აქვეყნებდა  ჟურნალეში: "კვალი", "ივერია", "ერთობა" და სხვ. 1918 წლის მაისში დაინიშნა საქართველოს დემოკრატიული რესპუბლიკის ელჩად გერმანიაში. 1924–1937წწ. იყო ბერლინის ქართული ახალშენის მეთაური. ბერლინში საქართველოს საელჩო ახმეტელის თაოსნობით გახდა ქართული კულტურის ცენტრი გერმანიაში. საქართველოს საბჭოთა ოკუპაციის შემდეგ, 1922 წლის გერმანია-საბჭოთა რუსეთის შეთანხმებით საქართველოს საელჩო გაუქმდა. ახმეტელი გახდა ბერლინის ქართული სათვისტომოს წევრი და იბრძოდა საქართველოს საკითხისადმი ევროპელთა ყურადღების მიპყრობისათვის. 1938 წლიდან ხელმძღვანელობდა გერმანიის მთავრობის მიერ შექმნილ "კავკასიის სამმართველოს". გარდაიცვალა ბერლინში. დაკრძალულია იქვე. ფილოსოფიის მეცნიერებათა დოქტორი. მთარგმნელი, დიპლომატი, პოლიტიკური და საზოგადო მოღვაწე.

წყარო: საქართველო: ენციკლოპედია: ტ.I.–თბ., 1997.–გვ.301

• საქართველოს განთავისუფლების კომიტეტი, წევრი (1917-)